ဒဂုံမြို့သစ်(တောင်ပိုင်း)မြို့နယ်၌ မီတာပုံး ဝါယာရှော့ဖြစ်ရာမှ မီးလောင်မှု
ရန်ကုန် ဧပြီ ၂၅ ဧပြီ ၂၄ ရက်၊ ည ၁၂ နာရီ ၄၀ မိနစ်အချိန် ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)မြို့နယ်၊ စိုက်/မွေး (၁)ရပ်ကွက်နေ ဒေါ်သန်းသန်းမြင့်(၅၁)နှစ်၏ ဆိုင်ကယ်အပိုပစ္စည်းအရောင်းဆိုင်၌ တပ်ဆင်ထားသော မီတာပုံး ဝါယာရှော့ ဖြစ်ရာမှတစ်ဆင့် မီးစတင်လောင်ကျွမ်းခဲ့ရာ သွပ်မိုး၊ သွပ်ကာဈေးဆိုင်ခန်း ၃ ခန်း မီးလောင်ဆုံးရှုံးခဲ့ပြီး နံနက် ၁ နာရီ ၁၀ မိနစ်အချိန်တွင် မီးငြိမ်းသွားခဲ့ပါသည်။ အဆိုပါမီးလောင်မှုဖြစ်စဉ်နှင့်ပတ်သက်၍ ဒေါ်သန်းသန်းမြင့်(ဖမ်းမိ)အား ဒဂုံတောင်မြို့မရဲစခန်း (ပ) ၂၃၃၀/ ၂၀၂၀၊ ရာဇသတ်ကြီးပုဒ်မ ၂၈၅(မီးလောင်မှု)ဖြင့် အမှုဖွင့်စစ်ဆေး လျက်ရှိကြောင်း သိရသည်။ ဆွေဦး
