ဘက်ထရီ 5000 mAh ပါဝင်သည့် Realme C17 စမတ်ဖုန်းကို ကြေညာ

စက်တင်ဘာ  ၂၃

Realme က Narzo 20 စီးရီးကိုကြေညာပြီးနောက် ယခုအခါတွင် Realme C17 ကို ကြေညာလာသည်။ Realme C17 မှာ ၆ ဒသမ ၅ လက်မ LCD HD+ ရုပ်ထွက်သုံးထားကာ 90Hz Refresh Rate ထောက်ပံ့ ထားသည်။ Screen-to Body Ratio အလွန်မြင့်မားပြီး ရှေ့ကင်မရာကို Punch-Hole မှာ ထည့်သွင်းထား သည်။

ကျောဘက်ကင်မရာများကို L ပုံစံထဲမှာ ထည့်သွင်းထားပြီး 13MP f/1.8 + 8MP Ultrawide + 2MP Macro + 2MP B&W ဖြစ်သည်။

C17 ကို 11nm Snapdragon 460 Chipset နှင့် ပါဝါထောက်ပံ့ထားပြီး RAM6GB နှင့် Storage 128GB ပါဝင် ကာ 1.8GHz Octa-Core Processor ဖြစ်သည်။ ဘက်ထရီ 5000 mAh ပါဝင်ကာ 18W ဖြင့် အားသွင်းမှု ထောက်ပံ့ထားသည်။

Realme C17 ကို Lake Green နှင့် Navy Blue အရောင်တို့ကို ရွေးချယ်နိုင်မည်ဖြစ်ပြီး ဈေးနှုန်းအနေဖြင့် ဒေါ်လာ ၁၉၀ သတ်မှတ်ထားကြောင်း သိရသည်။

(သူရိန်)