လားရှိုး စက်တင်ဘာ ၂၀
စက်တင်ဘာ ၁၈ ရက်၊ ညနေ ၄ နာရီခွဲအချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များသည် ရှမ်းပြည်နယ် (မြောက်ပိုင်း)၊ လားရှိုးမြို့နယ်၊ ဟိုပိတ်ကျေးရွာအုပ်စု၊ ကုန်းပေါင်းကျေးရွာနေ မအားစီး၏နေအိမ်ကို ရှာဖွေရာ ၎င်းနှင့်အတူ အားတီအားတွေ့ရှိရပြီး နေအိမ်အိပ်ခန်းနှင့် ခြံဝင်းအတွင်းတို့မှ စိတ်ကြွရူးသွပ်ဆေးပြား ၃၁,၄၀၀ ပြား၊ ဘိန်းဖြူ ၀ ဒသမ ၂၅ ကီလို၊ မြန်မာငွေ ၁၀၀,၀၀၀ ကျပ်တို့ကို သိမ်းဆည်းရမိခဲ့ပါသည်။
အဆိုပါ သိမ်းဆည်းရမိခဲ့သော မူးယစ်ဆေးဝါးများနှင့်အတူ မအားစီး(၅၀)နှစ်၊ အားတီ(၂၄)နှစ်တို့အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာ ဥပဒေအရ အရေးယူထားကြောင်း သိရ သည်။
ဆွေဦး