ကျေးသီး စက်တင်ဘာ ၂၀
စက်တင်ဘာ ၁၈ ရက်၊ နံနက် ၈ နာရီအချိန် ကျေးသီးမြို့မစခန်းမှ တပ်ဖွဲ့ဝင်များသည် ကျေးသီးမြို့၊ ဟိုခိုရပ်ကွက်၊ ကျေးသီး-မိုင်းကိုင်သွားကားလမ်းတွင် မသင်္ကာဖွယ်ရပ်တန့်ထားသည့် TOYOTA HILUX အမျိုးအစားမော်တော်ယာဉ်ကိုရှာဖွေရာ ယာဉ်မောင်းအားမတွေ့ရှိရဘဲ ယာဉ်အတွင်းမှ စိတ်ကြွရူးသွပ်ဆေးပြား ၅၅၅,၇၅၀ ပြား သိမ်းဆည်းရမိခဲ့ပါသည်။
အဆိုပါ သိမ်းဆည်းရမိခဲ့သော မော်တော်ယာဉ်နှင့် မူးယစ်ဆေးဝါများအား သိမ်းဆည်းထားရှိပြီး ကွင်းဆက်တရားခံများအား ဆက်လက်စုံစမ်းဖော်ထုတ်နိုင်ရေးဆောင်ရွက်လျက်ရှိကြောင်းနှင့် မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်ထားကြောင်းသိရသည်။
ဆွေဦး