အငြိုးအတေးမထားတတ်တဲ့ ဂါရတ်ဘေးလ် နည်းပြဇီဒန်းကို ကံကောင်းပါစေလို့ နှုတ်ဆက်
စက်တင်ဘာ ၁၉
အသက် ၃၁ နှစ်အရွယ် ဂါရတ်ဘေးလ်က မက်ဒရစ်မှာဆေးစစ်မှုအောင်မြင်ခဲ့တာကြောင့် စပါးအသင်းကို တစ်နှစ်အငှားစာချုပ်နဲ့ ပြောင်းရွှေ့ကစားတော့မှာဖြစ်ပါတယ်။ မက်ဒရစ်ရဲ့တောင်ပံကစားသမား ဂါရတ်ဘေးလ်ဟာ စပါးကို မပြောင်းမီ အသင်းဖော်တွေကို နှုတ်ဆက်စကားတွေပြောခဲ့ပြီး နည်းပြဇီဒန်းကို လည်း ဒီရာသီကံကောင်းပါစေလို့ ဆုတောင်းပေးခဲ့ပါသေးတယ်။ ဘေးလ်ရဲ့ တစ်ပတ်လုပ်ခပေါင် ၆ သိန်းကို နှစ်သင်းစလုံးက မျှခံကြဖို့ သဘောတူညီမှုရရှိခဲ့ကြပါတယ်။ ဘေးလ်ဟာ သောကြာနေ့မှာ ရီးရဲလ်မက်ဒရစ် ကနေ စပါးအသင်းက ပေါင် ၂၇ ဒသမ ၆ သန်းနဲ့ ခေါ်ယူထားတဲ့ ဆာဂျီယိုရီဂူလွန်နဲ့အတူ လန်ဒန်ချီတက်လာ နေပါပြီ။ Cuatro ရဲ့ ဖော်ပြချက်အရ ဘေးလ်ဟာ ကြာသပတေးနေ့က အသင်းဖော်တွေကို နှုတ်ဆက်စကား ပြောဖို့ မက်ဒရစ်ရဲ့ လေ့ကျင့်ရေးစင်တာကို ရောက်ခဲ့ပါသေးတယ်။ ပြီးခဲ့တဲ့ရာသီက နည်းပြဇီဒန်းရဲ့ ချောင်ထိုး ထားမှုခံခဲ့ရပေမယ့် ဘေးလ်ကတော့ အသင်းဖော်တွေကြားမှာ ထင်ရှားတဲ့ ကစားသမားတစ်ဦးဖြစ်နေဆဲပါ။ အသင်းဖော်တွေက ဂေါက်သီးသမားလို့တောင် နာမည်ပြောင်းပေးထားကြပါတယ်။ ဘေးလ်ဟာ ပြီးခဲ့တဲ့ရာသီ က ဘယ်လိုဆက်ဆံခံရတယ်ဆိုတာကို အငြိုးအတေးမထားခဲ့တာကြောင့် နည်းပြဇီဒန်းကိုလည်း လာမယ့် ရာသီကံကောင်းပါစေလို့ နှုတ်ဆက်ဆုတောင်းပေးခဲ့ပါတယ်။ ဘေးလ်ဟာ ၂၀၁၃ ခုနှစ်က စပါးကနေ ပေါင် ၈၅ သန်းနဲ့ မက်ဒရစ်ကို ပြောင်းရွှေ့လာခဲ့ပြီး အသင်းနဲ့အတူ ချန်ပီယံလိဂ်ဖလား ၄ ကြိမ်၊ လာလီဂါဖလား ၂ ကြိမ် ကိုင်မြှောက်နိုင်ခဲ့ပါတယ်။
(SO)
