အေတီပီ(ဂျာမနီ)ပြိုင်ပွဲ ၂ ခုမှာ အန်ဒီမာရေး ဝင်ရောက်ယှဉ်ပြိုင်မယ်
စက်တင်ဘာ ၁၉
ဗြိတိန်တင်းနစ်သမား အန်ဒီမာရေးဟာ အောက်တိုဘာလအတွင်း ဂျာမနီနိုင်ငံကိုလုံးမြို့မှာ ကျင်းပမယ့် ရုံးတွင်းတင်းနစ်ပြိုင်ပွဲ ၂ ရပ်မှ ဝင်ရောက်ယှဉ်ပြိုင်သွားမှာဖြစ်ကြောင်း သိရှိရပါတယ်။ အဆိုပါပြိုင်ပွဲ ၂ ရပ်စလုံး ကို ကိုလုံးမြို့လန်ဆက်အရီနာမှာ ကျင်းပမှာဖြစ်ပါတယ်။ ပထမပြိုင်ပွဲကို အောက်တိုဘာ ၁၁ ရက်မှ ၁၈ ရက် အထိနဲ့ ဒုတိယပြိုင်ပွဲကို အောက်တိုဘာ ၁၈ ရက်မှ ၂၅ ရက်အထိ ကျင်းပသွားရန် စီစဉ်ထားကြပါတယ်။
ရက်ရွှေ့ဆိုင်းခဲ့ရတဲ့ ပြင်သစ်အိုးပင်းပြိုင်ပွဲကို ကျင်းပပြီးတဲ့နောက်မှာ အေတီပီတင်းနစ်ပြိုင်ပွဲ ၄ ခုထိ ကျင်းပ သွားမှာဖြစ်ပါတယ်။ ကျန်ပြိုင်ပွဲနှစ်ရပ်ကို အီတလီနဲ့ ကာဇက်စတန်နိုင်ငံတွေမှာ ကျင်းပသွားမယ်လို့ သိရပါ တယ်။ အန်ဒီမာရေးဟာ လ ၂၀ အတွင်း ပထမဆုံးဂရင်းဆလင်းပြိုင်ပွဲအဖြစ် ယူအက်စ်အိုးပင်းကို ဝင်ရောက် ယှဉ်ပြိုင်ခဲ့ကာ ဒုတိယအဆင့်မှ ရှုံးနိမ့်ထွက်ခွာခဲ့ရပါတယ်။ အန်ဒီမာရေးဟာ ပြင်သစ်အိုးပင်းကိုလည်း ပါဝင် ယှဉ်ပြိုင်ရန် စီစဉ်ထားကြောင်း သိရပါတယ်။
(SO)
