သထုံမြို့တွင် စိတ်ကြွရူးသွပ်ဆေးပြားများ ဖမ်းဆီးရမိ
သထုံ စက်တင်ဘာ ၁၉
စက်တင်ဘာ ၁၇ ရက်၊ ညနေ ၅ နာရီ ၅၀ မိနစ်အချိန် သထုံခရိုင်ရဲတပ်ဖွဲ့မှ တပ်ဖွဲ့ဝင်များသည် မွန်ပြည်နယ်၊ သထုံမြို့၊ သိမ်ကုန်းရပ်ကွက်နေ ကောင်းကျော်ခန့်(ခ)ဂတုံး၏နေအိမ်ကိုရှာဖွေရာ နေအိမ်အတွင်းမှ စိတ်ကြွရူးသွပ် ဆေးပြား ၁,၅၃၆ ပြားနှင့် မြန်မာငွေ ၆၀,၀၀၀ ကျပ်တို့အား သိမ်းဆည်းရမိခဲ့ပါသည်။
တပ်ဖွဲ့ဝင်များသည် ကွင်းဆက်အရ သထုံမြို့နယ်၊ ပေါ်တော်မူကျေးရွာအုပ်စု၊ ကျောက်တန်းကျေးရွာနေ မျိုးဇော်ကို ၎င်းနေအိမ်မှ ဖမ်းဆီးရမိခဲ့သဖြင့် ကောင်းကျော်ခန့်(ခ)ဂတုံး(၃၃)နှစ်၊ မျိုးဇော်(၂၉)နှစ်တို့အား မူးယစ် ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားကြောင်း သိရသည်။
ဆွေဦး
