ရန်ကုန် စက်တင်ဘာ ၁၈
ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း တရားဥပဒေစိုးမိုးရေးနှင့် ပြည်သူလူထု၏ အသက် အိုးအိမ်စည်းစိမ်ကို ထိခိုက်စေမည့် မှုခင်းများမဖြစ်ပွားစေရေးအတွက် သက်ဆိုင်ရာနယ်မြေအလိုက် ဖမ်းဆီး ခြင်းဆောင်ရွက်ခဲ့ရာ စက်တင်ဘာ ၁၇ ရက်၊ ည ၁၀ နာရီအချိန်တွင် လှိုင်သာယာ(အနောက်ပိုင်း)မြို့နယ် ရဲတပ်ဖွဲ့မှတပ်ဖွဲ့ဝင်များသည် (၁၉)ရပ်ကွက်၊ သံသုမာ(၂)လမ်းမပေါ်၌ ချစ်ကိုထံမှ အရိုးအသွား(၂၅)လက်မခန့်ရှိ ငှက်ကြီးတောင်ဓားတစ်ချောင်းကိုလည်းကောင်း၊
ထန်းတပင်မြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၉ နာရီ ၄၅ မိနစ်အချိန်တွင် နင်ကြမ်းကျေးရွာ အတွင်းလမ်းမပေါ်၌ ရဲထွဋ်ထံမှ အရိုးအသွား(၁၁)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ သန်လျင်မြို့နယ်ရဲတပ်ဖွဲ့မှတပ်ဖွဲ့ဝင်များသည် ညနေ ၅ နာရီခွဲအချိန်တွင် ဘုရားကုန်းကျေးရွာ၊ (၁၅)ပေကွက်သစ်၊ ကိုရီးယားလမ်းမပေါ်၌ စိန်ရွှေထံမှအရိုးအသွား(၁၃)လက်မခန့်ရှိထိပ်ဦးချွန်ဓားတစ်ချောင်းကိုလည်းကောင်း၊
မြောက်ဥက္ကလာပမြို့နယ်ရဲတပ်ဖွဲ့မှတပ်ဖွဲ့ဝင်များသည် စက်တင်ဘာ ၁၈ ရက်၊ နံနက် ၆ နာရီ ၂၀ မိနစ်အချိန်တွင် (င)ရပ်ကွက်၊ ခေမာသီလမ်းနှင့် အမရာလမ်းထောင့်၌ ထက်ကိုကို ထံမှ အရိုးအသွား(၇)လက်မခန့်ရှိ ထိပ်ဦးချွန်ဓါးတစ်ချောင်းကိုလည်းကောင်း သိမ်းဆည်းရမိ၍ သက်ဆိုင်ရာရဲစခန်းအသီးသီးတွင် အမှုဖွင့်အရေးယူခဲ့ကြောင်း သိရသည်။
ဆွေဦး