ယူအက်စ်အိုးပင်းတင်းနစ်ပြိုင်ပွဲ အမျိုးသားတစ်ဦးချင်းပြိုင်ပွဲတွင် ဒိုမီနစ် ချန်ပီယံဆုဆွတ်ခူး
စက်တင်ဘာ ၁၅
အမေရိကန်နိုင်ငံ၊ နယူးယောက်မြို့၌ ကျင်းပခဲ့သည့် ယူအက်စ်အိုးပင်း တင်းနစ်ပြိုင်ပွဲ အမျိုးသားတစ်ဦးချင်း ပွဲစဉ်တွင် ဩစတြီးယားတင်းနစ်ကစားသမား ဒိုမီနစ်က ချန်ပီယံဆု ဆွတ်ခူးခဲ့ကြောင်း သိရသည်။
အဆိုပါဗိုလ်လုပွဲစဉ်တွင် ဒိုမီနစ်က အလက်ဇန္ဒားဇီရက်ဖ်ကို (၂-၆ ၊ ၄-၆ ၊ ၆-၄ ၊ ၆-၃ ၊ ၇-၆) ဖြင့် အနိုင်ရရှိကာ ချန်ပီယံဆု ဆွတ်ခူးခဲ့ခြင်းဖြစ်သည်။
အလက်ဇန္ဒားဇီရက်ဖ်သည် ယင်းပြိုင်ပွဲတွင် ဗိုလ်စွဲနိုင်မည့် အခွင့်အရေးကောင်းကို ပိုင်ဆိုင်ခဲ့သော်လည်း ယင်း၏ပေါ့ဆမှုများကြောင့် ချန်ပီယံဆုနှင့် လွဲချော်ခဲ့ရသော်လည်း ဒိုမီနစ်အနေဖြင့် ဗိုလ်လုပွဲ မှတ်တမ်းဆိုးကို ချေဖျက်နိုင်သည့်ပွဲစဉ်ဖြစ်ခဲ့သည်။
“ပွဲအစပိုင်းမှာ စိတ်တွေလှုပ်ရှားပြီး အမှားတွေကျူးလွန်မိခဲ့ပါတယ်။ နောက်တစ်ချက်က ဗိုလ်လုပွဲ မှတ်တမ်းဆိုး ရှိခဲ့ဖူးတဲ့အတွက် အရင်လိုမဖြစ်ရအောင်နဲ့ ဂရင်းစလန်းချန်ပီယံဆုကို ဆွတ်ခူးလိုတဲ့စိတ်ကြောင့် စိတ်လောနေပါတယ်။ ဒီတစ်ကြိမ်မှာသာ ထပ်ရှုံးခဲ့မယ်ဆိုရင် ဂရင်းစလန်းမှာ ဗိုလ်လုပွဲအထိ လေးကြိမ်ရောက်ရှိခဲ့ပြီး လေးကြိမ်စလုံး ရှုံးနိမ့်သွားတယ်ဆိုတဲ့ အခြေအနေမျိုးနဲ့ ရင်ဆိုင်သွားရမှာပါ။ ဒါကြောင့် နှစ်ပွဲပြတ်ရှုံးနိမ့်နေပေမယ့် အမှားအနည်းဆုံးဖြစ်အောင်ပြင်ဆင်ပြီး အကောင်းဆုံးပြန်ကစားခဲ့တာပါ”ဟု ဒိုမီနစ်က ပြောကြားခဲ့သည်။
(သူရိန်)
