ယူအက်စ်အိုးပင်း တင်းနစ်ပြိုင်ပွဲ အမျိုးသမီးတစ်ဦးချင်းပွဲစဉ်တွင် အိုဆာကာ ချန်ပီယံဆုဆွတ်ခူး
စက်တင်ဘာ ၁၄
အမေရိကန်နိုင်ငံ၊ နယူးယော့ခ်မြို့၌ကျင်းပခဲ့သည့် ယူအက်စ်အိုးပင်း တင်းနစ်ပြိုင်ပွဲ အမျိုးသမီး တစ်ဦးချင်းပွဲစဉ်တွင် ဂျပန်တင်းနစ်မယ် အိုဆာကာက ချန်ပီယံဆုကို ဆွတ်ခူးရရှိခဲ့ကြောင်း သိရသည်။
အဆိုပါ ဗိုလ်လုပွဲစဉ်တွင် ဂျပန်တင်းနစ်မယ် အိုဆာကာနှင့် ဘီလာရုစ်တင်းနစ်မယ် အာဇာရင်ခါတို့ ယှဉ်ပြိုင်ကစားခဲ့ရာ အိုဆာကာက (၁-၆ ၊ ၆-၃ ၊ ၆-၃) ရလဒ်ဖြင့် အနိုင်ရရှိကာ ချန်ပီယံဆု ဆွတ်ခူး နိုင်ခဲ့ခြင်းဖြစ်ပြီး ကမ္ဘာ့အဆင့် ၁ နေရာကိုလည်း ပြန်လည်ရရှိခဲ့သည်။
အသက် ၂၂ နှစ်အရွယ်ရှိ အိုဆာကာသည် ကစားသမားဘဝသက်တမ်းတစ်လျှောက် ဂရင်းစလင်းချန်ပီယံ ဆုကို တတိယအကြိမ်ဆွတ်ခူးနိုင်ခဲ့ခြင်းဖြစ်ပြီး ယူအက်စ်အိုးပင်းတင်းနစ်ချန်ပီယံဆုကို ဒုတိယအကြိမ် ဆွတ်ခူးနိုင်ခဲ့ခြင်းဖြစ်သည်။
အိုဆာကာသည် အမျိုးသမီးအားကစားသမားများအနက် ဝင်ငွေအကောင်းဆုံး အားကစားသမားအဖြစ် ရပ်တည်နေပြီး ယူအက်စ်အိုးပင်းတင်းနစ်ပြိုင်ပွဲ ချန်ပီယံဆုကို ဆွတ်ခူးနိုင်ခဲ့ပြီးနောက် ဆုကြေးငွေ စတာလင် ပေါင် ၂ ဒသမ ၃ သန်းထိ ထပ်တိုးရရှိခဲ့သည်။
ထို့အပြင် အိုဆာကာသည် ဂရင်းစလန်းချန်ပီယံဆုကို သုံးကြိမ်အထိ ဆွတ်ခူးနိုင်ခဲ့ပြီးနောက် အာရှကစားသမားများအနက် ဂရင်းစလန်းချန်ပီယံဆုကို သုံးကြိမ်ထိဆွတ်ခူးနိုင်ခဲ့သည့် ပထမဆုံးကစား သမားအဖြစ်လည်း မှတ်တမ်းဝင်ခဲ့ကြောင်း သိရသည်။
(သူရိန်)
