ချဲလ်ဆီးအသင်း လူစုံမပါဝင်နိုင်တာကြောင့် ရုန်းကန်ရမဲ့ပွဲပါ
စက်တင်ဘာ ၁၃
ချဲလ်ဆီးကတော့ ပေါင်းသန်း ၂၀၀ သုံးပြီး ဒီရာသီအတွက်ပြင်ဆင်ထားပါတယ်။ ဒါပေမဲ့ ချဲလ်ဆီးမှာ လူစုံမပါနိုင်တဲ့ အားနည်းချက်ရှိနေပါတယ်။ ကိုဗာဆစ်(ပွဲပယ်)၊ အက်စ်ပီလီကျူတာ၊ အင်ချီဝဲလ်၊ ဇီဖက်ချ် တို့အားလုံး ဒဏ်ရာတွေရှိနေသလို အေဘရာဟမ်၊ တိုမိုရီ၊ ပူလီဆစ်၊ ဂျော်ဂျင်ဟို၊ ဘာကလေတို့ကလည်း ကိုရိုနာဗိုင်းရပ်စ်ကူးစက်ခံနေရတာကြောင့် ရာသီသစ်မှာပါဝင်ဖို့ မသေချာပါဘူး။ ချဲလ်ဆီးဟာ ပြီးခဲ့တဲ့ရာသီကလည်း ဘရိုက်တန်ကွင်းမှာ ၁−၁ သာ ကစားနိုင်ခဲ့ပါတယ်။ ပြီးခဲ့တဲ့ သြဂုတ်လ ၂၉ ရက်ကလည်း ဘရိုက်တန်ကွင်း ခြေစမ်းပွဲမှာ ၁−၁ နဲ့ သရေကျခဲ့ပါတယ်။ ထိုပွဲမှာ ပရိသတ် ၂၅၀၀ ခန့် ကွင်းအတွင်း အားပေးခွင့်ရခဲ့ပါတယ်။
ဘရိုက်တန်ဟာ နည်းပြဂရမ်ဟမ်ပေါ်တာရဲ့ ဦးဆောင်မှုနဲ့ မနှစ်က တိုးတက်မှုအချို့ရရှိခဲ့ပါတယ်။ အဆင့် ၁၅ သာရခဲ့ပေမယ့် တန်းဆင်းဇုန်နဲ့ ၇ မှတ်ကွာပါတယ် ဘရိုက်တန်ဟာ ကိုဗစ်အလွန် ၉ ပွဲမှာလည်း ၃ ပွဲသာရှုံးခဲ့ပါတယ်။ ဒါပေမယ့် အသင်းကြီးတွေနဲ့ ရင်ဆိုင်ရင်ရုန်းကန်ရလေ့ရှိပါတယ်။ ပြီးခဲ့တဲ့ရာသီမှာ ထိပ်ဆုံး ၄ သင်းနဲ့ရင်ဆိုင်ခဲ့ရတဲ့ ပွဲ ၈ ပွဲမှာ ၇ ပွဲထိ ရှုံးခဲ့ပြီး ၁ မှတ်သာ ရရှိခဲ့ပါတယ်။ အဲဒီတော့ လူစုံမပါဝင်နိုင်တဲ့ ချဲလ်ဆီးနဲ့ ဘရိုက်တန်တို့ပွဲဟာ နှစ်သင်းစလုံးအနိုင်ရဖို့ ရုန်းကန်ကြရမဲ့ပွဲပဲဖြစ်ပါတယ်။ ဒီပွဲရဲ့ အဖြေကိုတော့ စက်တင်ဘာ ၁၄ ရက်၊ (တနင်္လာနေ့) ည ၁ : ၃၀ နာရီမှာ စောင့်ကြည့်ကြဖို့ လိုပါတယ်။
(SO)
