စပ်မိစပ်ရာ COVID-19 အကြောင်း တစ်စေ့တစ်စောင်း

ရန်ကုန်   စက်တင်ဘာ  ၆

COVID-19 ဟာ စိုးရိမ်တကြီးမဖြစ်တော့ဘူးဆိုတာတောင်မှ ဖြစ်လာသမျှကို လိုက်နေရသေးတယ်။

ကူးစက်ရောဂါပြန့်ပွားတာ အမြင့်ဆုံးရောက်ခဲ့ရင်   စပိန်အခြေအနေက တောင့်ခံထားနိုင်ပါ့မလားလို့ တွေးပြီးစိုးရိမ်နေကြတယ်။  နောက်သတင်းတစ်ခုက အလုပ်အကိုင်နဲ့ ပတ်ဝန်းကျင်ထိန်းသိမ်းရေး လုပ်ငန်း တွေ အကောင်အထည်ဖော်ရာမှာ ပြန်လည်ဆယ်တင်တာကို ဗဟိုထားမယ်လို့ ပြင်သစ်ဝန်ကြီးချုပ်က ပြောခဲ့တယ်။ အပြောကတော့ကောင်းပါတယ်၊ အလုပ်ဖြစ်ဖို့တော့လိုတာပေါ့။  အင်္ဂလန်နိုင်ငံရဲ့ စာရင်းထဲမှာ ဂရိနဲ့ပေါ်တူကီဟာ ကူးစက်ရောဂါကလွတ်ပြီး ခရီးသွားခွင့်ရနေတယ်လို့ဆိုတယ်။   အိန္ဒိယဖက်ကို ကြည့်ရင် တိုင်းပြည်ကလည်းကျယ်။ လူဦးရေကလည်းများတော့  အဆိုးထဲမှာနေနေတယ်။ 

ကိုရိုနာကူးစက်ရောဂါနဲ့ပတ်သက်ပြီး ရောဘတ်ပက်တီဆင်ကို စမ်းသပ်တာ Positive တွေ့ပြီး တဲ့နောက်ပိုင်းမှာ ပင့်ကူလူသားရိုက်ကူးတာတွေကို ရပ်ဆိုင်းထားတယ်တဲ့။ အားလုံးသိထားကြတဲ့ နာမည်ကျော်ဘက်မင်းက ဆက်ပြီးအစွမ်းပြနိုင်ပါ့မလား တွေးပူနေရတယ်။ ဘရာဇီးမှာ COVID-19 ကူးစက် ရောဂါဖြစ်ပွားတာ လေးသန်းလောက်ရှိသွားပြီတဲ့။ အတိအကျပြောရရင် ၂၄ နာရီအတွင်း  ရောဂါပိုးကြောင့်  အသစ်ဖြစ်ပွားတာ ၄၃,၇၇၃ နဲ့ သေဆုံးတာ ၈၃၄  ဦး ရှိလာတယ်။ ဒါ့ကြောင့် စုစုပေါင်း ၄ သန်းကျော်သွားပြီလို့ ကျန်းမာရေးဌာနက ပြောခဲ့တယ်။ စာရင်းဇယားတွေအပေါ်မျက်စေ့မှိတ်ပြီး ယုံနေလို့မဖြစ်ဖူးဆိုတာ ကိုလည်း ပြောပြရအုန်းမယ်။ နိုင်ငံရေးသမားတွေနဲ့ COVID-19 တွဲလိုက်ရင် ရှုပ်ရှုပ်ထွေးထွေး ဖြစ်တတ် တယ်မဟုတ်လား။ 

တကယ်တော့ ကိန်းဂဏန်းတွေထဲမှာ အမှားရှာတတ်ကြတဲ့ စာရင်းစစ်တွေအတွက်ကတော့ စာရင်းမှားနေရင် သူတို့ဖြေရှင်းပေးရမယ့် အကြောင်းဖြစ်သွားပြီ။ သူတို့ကောင်းကောင်းလုပ်နိုင်တယ်။ “COVID-19 ပြဿနာဖြစ်နေတာကို စာရင်းသမားတွေအနေအထားမျိုးနဲ့ အတိအကျမပြောနိုင်တောင် မှ နောင်တစ်ချိန်ချိန် တို့ဟာ စိတ်တိုင်းကျဖော်ထုတ်လာနိုင်မှာဘဲ။”  တာဝန်အရှိဆုံးနေရာမှာထားဖို့ သူတို့စီစဉ်ကြလိမ့်မယ်။ ဒါပေမဲ့ နိုင်ငံရေးသမားတွေက COVID-19 ရဲ့စာရင်းအင်းတွေနဲ့ အကြောင်းရင်းရှာပြီးပြောတဲ့အခါမှာ ကိန်းဂဏန်းတွေကဆိုလိုတာဒီလိုမဟုတ်ဘူး။ ဘာညာနဲ့ သူတို့တတွေရှုပ်ကုန်ကြတော့တယ်။ 

ပြီးတော့ နိုင်ငံရေးသမားတွေဟာ သတင်းစာရှင်းလင်းပွဲတွေမှာ ထိတ်လန့်တကြားဖြစ်တဲ့အထိ ဝါဒဖြန့်သလို ဖြစ်သွားတတ်သေးတယ်။  သတင်းထောက်တွေက ဟိုဟာမေး ဒီဟာမေးနဲ့ ဖြေရမှာဆိုတော့ တစ်ခုခုကို အကိုးအကားပြနိုင်ဖို့လိုလိမ့်မယ်။ ဒီလိုလုပ်ကြတာမျိုးတွေဟာ လူတော်တော်များများကို ချုပ်ကိုင်ထားပြီး သမရိုးကျနေထိုင်တာတွေကို  တော်တော်ကြာကြာ  ဖရိုဖရဲနဲ့ရှုပ်ထွေးသွားစေတယ်။ ဒီလိုစိတ်အနှောက်အယှက်ဖြစ်ပြီးမှ ကျေနပ်ကြမှာ။ တစ်ခုခုအနေနဲ့ ဒီအခွင့်အလမ်းကို အရသာခံနေမှာ။ အဲ့ဒီလိုလူမျိုးတွေကလည်း ရှိနေသေးတယ်မဟုတ်လား။ 

တကယ်ဆိုရင် ကိန်းဂဏန်းတွေဟာ သူတို့ချည်းပဲဆိုရင် ပြောစရာမရှိဘူး။ တို့က သူတို့ကိုအဓိပ္ပာယ်   တစ်မျိုးမျိုးနဲ့ စိတ်ထဲမှတ်သွားစေနိုင်မှ တစ်ခုခုဖြစ်လာမယ်။ တချို့လူတွေဟာ သူတို့ရဲ့ ငြင်းဆိုတာတွေကို အထောက်အကူဖြစ်စေဖို့ ကိန်းဂဏန်းတွေလိုချင်ကြတယ်။ ပြဿနာဖြစ်နေတုန်းမှာပဲ အဲဒီလူတွေကြောင့်  ဆိုလိုချက်တွေကို ခံစားသိနားလည်လာကြမယ်။ ဆွီဒင်နဲ့ နှိုင်းယှဉ်ကြည့်ရင် သိပ်ပြီးထိန်းချုပ်ပြီးနေတာဟာ  မလိုအပ်ဘူးဆိုတာပါလာမယ်။ ဒါမှမဟုတ်ရင် သုညကိုဗစ်ဗျူဟာ တစ်ရပ်ကိုတောင်းဆိုဖို့ ကူးစက်ပျံနှံ့နှုန်းတွေ မြင့်တက်လာတာကို ညွှန်ပြရမလိုဖြစ်နေတယ်။ 

တစ်ဖက်ကကြည့်ပြန်ရင်လည်း စာရင်းအင်းပညာရှင်တွေဟာ ကိန်းဂဏန်းတွေကို အဓိပ္ပာယ်ဖော်တဲ့ အခါမှာ ပူပန်စိုးရိမ်တဲ့ဘက်ကို တော်တော်ဦးတည်နေဟန်တူတယ်။ သူတို့ဟာ ဒါတွေရဲ့အားနည်းနေတာ  တွေနဲ့ မရေရာမသေချာဖြစ်တတ်တာတွေကို  နားလည်နေကြသလိုမျိုး၊ လုပ်သင့်တယ်၊ မလုပ်သင့်ဘူးလို့  စောဒက တက်တဲ့နေရာမှာ ဒါတွေကိုအသုံးပြုဖို့ တော်တော်တွန့်ဆုတ်တွန့်ဆုတ်ဖြစ်နေကြတယ်။

ကူးစက်ရောဂါပိုးကိုထိန်းချုပ်ရတဲ့ ကနဦးလတွေအတောအတွင်းမှာ အစိုးရရဲ့ နေ့စဉ်သတင်းစာရှင်း လင်းပွဲတွေဟာလည်း  ပြောစရာတွေများတယ်။  အဲဒီပွဲတွေအတွက်  စာရင်းအင်းပညာရှင်တွေကိုလည်း အပြစ် မဆိုသင့်ဘူးပေါ့။  အဲဒီမှာ ဆွဲဆောင်နိုင်တဲ့ ဂရပ်ပုံတွေလည်းပါတယ်။  ဆက်သွယ်ရေးအဖွဲ့က အာလုံးကို ရှေ့ဆောင်နေတာ။  တကယ်ကြည့်လိုက်ရင် နိုင်ငံရေးသမားတွေဟာ ကိန်းဂဏန်းကြီးတွေပတ်ပတ်လည်  မှာ ရောက်နေတာ ဘယ်လောက်တောင် ကြိုက်ကြတယ်ဆိုတာ ပြနေတယ်။ ဒီကိုဗစ်နဲ့ပတ်သက်တဲ့  စာရင်းအင်းတွေပြနေကြတာကလည်း ဇာတ်ပွဲကြည့်နေရသလိုဖြစ်နေတယ်။ ဒီကိန်းဂဏန်းတွေထဲက တချို့ရဲ့ အားနည်းချက်တွေကို အခုဖော်ထုတ်လိုက်ရင်သိလာကြမှာပါ။

ဥပမာအနေနဲ့ပြောရရင်  အင်္ဂလန်မှာ COVID-19 နဲ့သေဆုံးတာဟာ ၅,၀၀၀ လောက်ကနေ ကျသွား တယ်တဲ့။ ရောဂါတွေ့ပြီး ၂၈ ရက်ထက်ကျော်သွားတဲ့နောက်မှာမှ သေဆုံးခဲ့တဲ့သူတွေဟာ စာရင်းတစ်ခုလုံးမှာ မပါဘူးဖြစ်နေတယ်။  ဒီဆုံးဖြတ်ချက်တွေကို စာရင်းအင်းသမားတွေက ချခဲ့တာမဟုတ်ဘူးဆိုတာ သိသာ ထင်ရှားပါတယ်။ တော်သလိုကြည့်ပြောနေကြတာနဲ့စာရင် အင်္ဂလန်နိုင်ငံရဲ့ လေးပြည်နယ်အကြား ပိုပြီး  တစ်ညီတည်းဖြစ်ကြဖို့ လိုနေတယ်ဆိုတာပြတာဘဲ။ 

ကိန်းဂဏန်းတွေချည်းသက်သက်ဆိုရင်တော့ အတိုင်းအတာမဟုတ်သေးဘူး။ တစ်ခါတစ်လေ လုံးလုံးချည်းလွဲချော်သွားတတ်တာလည်း ရှိပါတယ်။ ရှားရှားပါပါးပါ။  တနင်္ဂနွေနေ့မှာတော့ သတင်းစာရှင်းလင်းပွဲမှာ စာရင်းအင်းအုပ်စုတွေ အသက်ရှူမှားသွားစေတဲ့ အမှားမျိုးဖြစ်ခဲ့သေးတယ်။ အမေရိကန်အစားအသောက်နဲ့ဆေးဝါး အုပ်ချုပ်ရေးအဖွဲ့ရဲ့ ကော်မရှင်နာစတီဖင်ဟမ်က “သွေးရည်ကြည် နဲ့ ကုတာဟာ နာလန်ထလာနိုင်တယ်။ ဆိုလိုတာက COVID-19 ကြောင့် ဖျားနေတဲ့လူနာ ၁၀၀ မှာ ၃၅  ယောက်လောက်ကို ကယ်ဆယ်နိုင်တယ်”လို့ ပြောလိုက်လို့အဆင်ပြေသွားတယ်၊၊ ဒီလိုမျိုးတို့နိုင်ငံမှာတော့  စိုးရိမ်ပူပန်နေရတာ တွေမရှိဘူးထင်ပါရဲ့။ ။

ဘိုငြိမ်းသာ