တောင်ကုတ်မြို့နယ် ကျေးလက်ဦးစီးဌာနက Cash for work စီမံကိန်းလုပ်ငန်းများ ဆောင်ရွက်နေမှုအား ကွင်းဆင်းစစ်ဆေး

တောင်ကုတ်  စက်တင်ဘာ  ၃

ရခိုင်ပြည်နယ်၊ သံတွဲခရိုင်၊ တောင်ကုတ်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ မြို့နယ်ကျေးလက်ဦးစီးမှူး ဦးညီညီနှင့် တာဝန်ရှိသူတို့သည် စက်တင်ဘာ ၃ ရက်တွင် တောင်ကုတ်မြို့နယ်၌ Cash for work စီမံကိန်းလုပ်ငန်း အစီအစဉ်များဖြင့် အကောင်အထည်ဖော်ဆောင်ရွက်လျက်ရှိသည့် တောင်ကုတ်မြို့နယ်၊ သင်ချီကိုင်ကျေးရွာအုပ်စု၊ ကျောက်တံခါးအောက်ကျေးရွာတွင် ကျေးရွာအဝင်လမ်း ရေမြောင်းတူးဖော်ခြင်း၊ စာသင်ကျောင်း ခြံစည်းရိုးကာရံခြင်းနှင့် ဂါလန် ၅၀၀၀ ဆံ့ ရေစုကန်တည်ဆောက်ခြင်း လုပ်ငန်းများကို ကွင်းဆင်းကြည့်ရှုစစ်ဆေးခြင်း၊ ကြိုးကြာကွင်းကျေးရွာအုပ်စု၊ ကျောက်တံခါးကျေးရွာ၌ ဆောင်ရွက်လျက်ရှိသည့် ကျေးရွာအဝင်လမ်း မြေသားခင်းခြင်း၊ စာသင်ကျောင်း ပြုပြင်ခြင်းနှင့် ရေပိုက်လိုင်းများ ပြုပြင်ခြင်းလုပ်ငန်းများကို ကြည့်ရှုစစ်ဆေးခဲ့စဉ်။

ဦးအောင်လှဖြူ-ရမ်းဗြဲ