MNA လေကြောင်းလိုင်းမှ ရန်ကုန်-စင်ကာပူ-ရန်ကုန် Cargo Only Flight စက်တင်ဘာ ၈ ရက်တွင် ထပ်မံပြေးဆွဲပေးသွားမည်

ရန်ကုန် စက်တင်ဘာ ၃

ကိုရိုနာဗိုင်းရပ်စ်ရောဂါ(COVID-19) ကူးစက်ကာလအတွင်း ပြည်တွင်း၌ လူသုံးကုန်ပစ္စည်းများ မပြတ်လတ်စေရေးနှင့် ပြည်ပသို့တင်ပို့ရမည့် ကုန်စည်ပစ္စည်းများ တင်ပို့နိုင်စေရေးတို့အတွက် မြန်မာအမျိုးသားလေကြောင်း(MNA)မှနေ၍ ရန်ကုန်-စင်ကာပူ-ရန်ကုန် Cargo Only Flight ကို ထပ်မံပြေးဆွဲပေးမည်ဖြစ်ကြောင်း သိရသည်။

မြန်မာအမျိုးသားလေကြောင်း(MNA)၏ အဆိုပါ ရန်ကုန်-စင်ကာပူ-ရန်ကုန် Cargo Only Flight ကို စက်တင်ဘာ ၈ ရက်တွင် ပြေးဆွဲသွားမည်ဖြစ်ပြီး ယင်းခရီးစဉ်တွင် ခရီးသည်များ လိုက်ပါနိုင်မည်မဟုတ်ဘဲ ကုန်စည်ပစ္စည်းများသာ တင်ပို့နိုင်မည်ဖြစ်ကြောင်း သိရသည်။

ထို Cargo Only Flight ကို စက်တင်ဘာ ၈ ရက်၊  နံနက် ၉ နာရီ ၃၀ မိနစ်တွင် ရန်ကုန်အပြည်ပြည်ဆိုင်ရာလေဆိပ်မှ စတင်ထွက်ခွာမည်ဖြစ်ပြီး မွန်းလွဲ ၂ နာရီခန့်တွင် စင်ကာပူနိုင်ငံသို့ ဆိုက်ရောက်မည်ဖြစ်ကြောင်း၊ ထို့နောက် စင်ကာပူနိုင်ငံမှ ညနေ ၄ နာရီတွင် ပြန်လည်ထွက်ခွာလာမည်ဖြစ်ပြီး ရန်ကုန်အပြည်ပြည်ဆိုင်ရာလေဆိပ်သို့ ညနေ ၅ နာရီ ၃၀ မိနစ်ခန့်တွင် ဆိုက်ရောက်မည်ဖြစ်ကြောင်း သိရသည်။

အဆိုပါ မြန်မာအမျိုးသားလေကြောင်း(MNA)၏ ရန်ကုန်-စင်ကာပူ-ရန်ကုန် Cargo Only Flight နှင့် ပတ်သက်၍ အသေးစိတ်သိရှိလိုပါက Yangon Contact ဖုန်းနံပါတ် 09 444666269 ၊ 09 777666269 နှင့် အီးမေးလ်လိပ်စာ logiplus.sales@gmail.com သို့ဖြစ်စေ၊ Singapore Contact ဖုန်းနံပါတ် +65 91829390 (via WhatsApp) နှင့် အီးမေးလ်လိပ်စာ richard.provgsa@gmail.com သို့ဖြစ်စေ ဆက်သွယ်စုံစမ်းနိုင်ကြောင်း သိရသည်။

ကိုဆောင်း(ဥက္ကလာ)