ZOZO Championship ဂေါက်သီးရိုက်ပြိုင်ပွဲတွင် တိုက်ဂါးဝုဒ် ပါဝင်ယှဉ်ပြိုင်မည်
စက်တင်ဘာ ၃
လာမည့်အောက်တိုဘာလတွင် ကျင်းပမည့် ZOZO Championship ဂေါက်သီးရိုက်ပြိုင်ပွဲတွင် တိုက်ဂါးဝုဒ် ပါဝင်ယှဉ်ပြိုင်မည်ဖြစ်ကြောင်း သိရသည်။
အဆိုပါ ဂေါက်သီးရိုက်ပြိုင်ပွဲကို နှစ်စဉ် ဂျပန်နိုင်ငံ၌ကျင်းပနေသော်လည်း COVID-19 ရောဂါကြောင့် ယင်းနိုင်ငံ၌ ကျင်းပမည်မဟုတ်ဘဲအမေရိကန်နိုင်ငံ၊ ကယ်လီဖိုးနီးယားပြည်နယ်၌ ကျင်းပသွားမည်ဖြစ်ကြောင်း ပြိုင်ပွဲစီစဉ်သူများက ပြောကြားခဲ့သည်။
တိုက်ဂါးဝုဒ်သည် ယင်းပြိုင်ပွဲတွင် လက်ရှိချန်ပီယံဘွဲ့ကိုကာကွယ်လိုသည့်အတွက် COVID-19 ရောဂါ ပြန့်ပွားနေသည့်အခြေအနေတွင် ပြိုင်ပွဲဝင်ရန် ဆုံးဖြတ်ခဲ့ခြင်းဖြစ်သည်။
ဂျပန်အစိုးရသည် COVID-19 ရောဂါကြောင့် ZOZO Championship ဂေါက်သီးရိုက်ပြိုင်ပွဲကို ယင်းတို့နိုင်ငံ၌ ကျင်းပခွင့်ပိတ်ပင်ထားသည့်အတွက် ZOZO Inc. ကုမ္ပဏီက ပြိုင်ပွဲကို အမေရိကန်နိုင်ငံသို့ ပြောင်းရွှေ့ကျင်းပရန် ဆုံးဖြတ်ခဲ့ခြင်းဖြစ်သည်။
(သူရိန်)
