အန္တရာယ်ရှိအပင်များရှင်း၊ စိမ်းလန်းစိုပြည်ရေးဆောင်ရွက်
ရန်ကုန် စက်တင်ဘာ ၁
ရန်ကုန်မြို့တော်စည်ပင်သာယာရေးကော်မတီ၊ ပန်းဥယျာဉ်နှင့်အားကစားကွင်းများဌာနမှ ဒဂုံမြို့သစ်(ဆိပ်ကမ်း)မြို့နယ် (၈၈)ရပ်ကွက် နှင့်(၉၁)ရပ်ကွက်တွင်ကုက္ကိုလ်ပင်လဲပြိုမှု၊ ဒဂုံမြို့သစ်(မြောက်ပိုင်း)မြို့နယ် (၄၁)ရပ်ကွက် စကားဝါလမ်းတွင် ပိတောက်ပင်လဲပြိုမှု၊ ဒဂုံမြို့နယ် ခရေပင်လမ်းနှင့် ဗဟန်းမြို့နယ် နတ်မောက်လမ်းသွယ်(၁)တွင်ကိုင်းကျိုးကျမှုတို့အားရှင်းလင်းခြင်း၊ သင်္ဃန်းကျွန်းမြို့နယ် လေးထောင့်ကန်ရပ်ကွက် လက်ဆည်ကန် အုပ်မိုးကိုင်းများဖြတ်တိခြင်း၊ မင်္ဂလာဒုံ ပြည်လမ်း ဆိုင်းဘုတ်ကွယ်အပင်များရှင်းခြင်း၊ ဒဂုံမြို့သစ်(မြောက်ပိုင်း)မြို့နယ် (၃၉)ရပ်ကွက်နှင့်သင်္ဃန်းကျွန်းမြို့နယ် အထက(၁)ကျောင်းရှေ့တွင်ဓါတ်အားလိုင်းမလွတ်အပင်များအား ရန်ကုန်လျှပ်စစ်ဓါတ်အားပေးရေးကော်ပိုရေးရှင်းနှင့်ပူးပေါင်းရှင်းလင်းခြင်း၊ လှော်ကားကန်ပေါင်တွင်မြက်ခြုံရှင်း၍ အော်ရေးရှားပင် (၄၅၀)စိုက်ပျိုးခြင်း၊ ကမာရွတ်မြို့နယ် ပြည်ထောင်စုရိပ်သာလမ်း အမှတ်(၆၀) ခြံဝင်းအပင်များရှင်းခြင်း၊ လမ်းချဲ့ရန် မလွတ်ကင်းသည့်အပင်(၁၄)ပင်ရှင်းပြီး မြေလွတ်တွင်(၅၇)ပင်အစားထိုးစိုက်ခြင်း၊ ဒဂုံမြို့သစ်(ဆိပ်ကမ်း)မြို့နယ် (၆၉)ရပ်ကွက် ကစားကွင်းမြက်ရှင်းခြင်းများဆောင်ရွက်ခဲ့ကြောင်းသိရသည်။
သတင်း-သွင်မောင်မောင်
