ဒုတိယသုံးလပတ်တွင် အိန္ဒိယနိုင်ငံ၏ စီးပွားရေး တဟုန်ထိုးနှေးကွေး

စက်တင်ဘာ ၁၊ နယူးဒေလီ

အိန္ဒိယနိုင်ငံ၏ စီးပွားရေးမှာ ၂၀၂၀ ပြည့်နှစ် ဒုတိယသုံးလပတ်တွင် တဟုန်ထိုး နှေးကွေးသွား ခဲ့ကြောင်း တရားဝင် ကိန်းဂဏန်းအချက်အလက်များတွင် ဖော်ပြထားသည်။ အိန္ဒိယနိုင်ငံ၏ စီးပွားရေးမှာ ၂၃ ဒသမ ၉ ရာခိုင်နှုန်း နှေးကွေးသွားခြင်းဖြစ်ပြီး ၁၉၉၆ ခုနှစ်တွင် သုံးလပတ် ကိန်းဂဏန်း အချက်အလက်များ စတင်ထုတ်ပြန်ခဲ့ပြီးနောက်ပိုင်း အဆိုးရွားဆုံး နှေးကွေးမှုဖြစ်သည်။ အိန္ဒိယနိုင်ငံအနေဖြင့် တတိယသုံးလပတ်တွင် နှေးကွေးမှုထပ်မံကြုံတွေ့ပါက စီးပွားရေးကျဆင်းမှုအဖြစ် သတ်မှတ်ခံရမည်ဖြစ်သည်။

အိန္ဒိယနိုင်ငံမှာ တတိယသုံးလပတ်တွင်လည်း စီးပွားရေး နှေးကွေးမှု ထပ်ကြုံရဖွယ်ရှိသည်ဟု ကျွမ်းကျင်ပညာရှင်များက ပြောသည်။ လွတ်လပ်ရေးရပြီးနောက်ပိုင်း စီးပွားရေးကျဆင်းမှု ၄ ကြိမ်သာ ကြုံတွေ့ခဲ့သည့် အိန္ဒိယနိုင်ငံမှာ ၁၉၈၀ ပြည့်နှစ်တွင် နောက်ဆုံးအကြိမ် စီးပွားရေးကျဆင်းမှု ကြုံတွေ့ ခဲ့ခြင်းဖြစ်သည်။ အိန္ဒိယနိုင်ငံမှာ ပြီးခဲ့သည့်တနင်္ဂနွေနေ့က အတည်ပြုလူနာသစ် ၇၈၈၆၁ ဦး တွေ့ရှိခဲ့ရာ တစ်ရက်တာ အတည်ပြုလူနာသစ် တွေ့ရှိမှု ကမ္ဘာ့စံချိန်တင်ခဲ့သည်။ အိန္ဒိယနိုင်ငံတွင် COVID-19 ရောဂါကူးစက်ခံရသူ ၃ ဒသမ ၆ သန်းကျော် ရှိနေပြီး သေဆုံးသူ ၆၅၀၀၀၀ ကျော် ရှိနေသည်။

Ref:BBC(KNT)