၁၅ ပေအနက်ရှိ ရေတွင်းထဲပြုတ်ကျသူတစ်ဦး ကယ်ဆယ်နိုင်ခဲ့

မွန်ပြည်နယ်၊ သထုံမြို့နယ်၊ ထောင်မှူးကျေးရွာအုပ်စု၊ မြစံကျေးရွာ၊ ဝါးခြံအတွင်းရှိ အနက် ၁၅ ပေခန့်ရှိ သော ရေတွင်းထဲသို့ အမျိုးသားတစ်ဦးပြုတ်ကျနေကြောင်းကို မတ် ၂၈ ရက်၊ ညနေ ၄ နာရီ ၈ မိနစ်ခန့်က သထုံမြို့နယ်မီးသတ်စခန်းမှ သတင်းရရှိခဲ့သည်။ အဆိုပါသတင်းကြောင့် သထုံမြို့နယ် မီးသတ်စခန်းမှ မီးသတ်ယာဉ်တစ်စီး၊ မြို့နယ်မီးသတ်ဦးစီးမှူး ဦးဆောင်သော သန္ဓေမီးသတ်တပ်ဖွဲ့ဝင် ၇ ဦး၊ အရန်မီးသတ်တပ်ဖွဲ့ဝင် ၁၀ ဦးတို့နှင့် သက်ဆိုင်ရာအဖွဲ့အစည်း များ ပူးပေါင်း၍ ကယ်ဆယ်ရေးလုပ်ငန်းများဆောင်ရွက်ခဲ့ရာ ရေတွင်းထဲပြုတ်ကျနေသူကို ညနေ ၄ နာရီခွဲတွင် အသက်ရှင်လျက်ကယ်ဆယ်နိုင်ခဲ့သည်။ ထို့နောက် အကြင်နာတွဲလက်များ လူမှုကူညီရေးအသင်းမှ လူနာတင်ယာဉ်ဖြင့် သထုံခရိုင်၊ ပြည်သူ့ဆေးရုံ ကြီးသို့ ပို့ဆောင်ပေးခဲ့ကြောင်း သိရသည်။ (NWA)