MAPCO တွံ​တေးတွင်(ပခန်း)မျိုးစပါး မျိုး​စေ့ချစက်ဖြင့်စနစ်ကျ လယ်ယာစနစ်ဖြင့် မျိုး​စေ့စိုက်ပျိုးထုတ်လုပ်

ရန်ကုန် ဩဂုတ် ၃၀

ရန်ကုန်တိုင်း​ဒေသကြီး၊ တွံ​တေးမြို့နယ်အ​ခြေစိုက် Mapco ကုမ္ပဏီဧရိယာအတွင်းရှိ လယ်ယာများတွင်မိုးစပါး​နွေစပါးများ စိုက်ပျိုးထုတ်လုပ်လျက်ရှိရာ ယခုနှစ်မိုးရာသီတွင်ပခန်းမျိုးစပါးသစ်စမ်းသပ်စိုက်ပျိုးထုတ်လုပ် မျိုးစေ့ချခြင်းကိုသြဂုတ် ၂၉ ရက် နံနက် ၁၀ နာရီကပြုလုပ်ခဲ့သည်။

ယင်းမျိုးစပါးသည် ရန်ကုန်တိုင်းတွင်စိုက်ပျိုးထုတ်မှုမရှိသေးကြောင်းသိရှိရပြီး မျိုးစေ့ချရာတွင်လည်း တစ်ဧကတစ်တင်းခွဲသာ ကျဲချပေးရပြီး အထွက်နှုန်းမှာလည်း တင်း ၈၀ မှ တင်းတစ်ရာကျော်အထိထွက်ရှိ နိုင်ကာ အခြားမိုးစပါးသက်ကြီးများ စိုက်ပျိုးထားရှိသလို ယခုနှစ်မိုးရာသီတွင် ပခန်းမျိုးစပါးကို ၅ ဧက စိုက်ပျိုးစမ်းသပ်လျက်၊ စပါးပျိုးသက် (၁၁၅) ရက်သာရှိ​ကြောင်းနှင့် Export တန်းဝင်သဖြင့် မြန်မာနိုင်ငံ ဆန်စပါးအသင်းချုပ်ဥက္ကဌ ဦးရဲမင်း​အောင်က နည်းပညာ​ပေးစမ်းသပ်စိုက်ပျိုးထုတ်လုပ်​ခြင်းဖြစ်​​ကြောင်း၊​ တောင်သူများသိရှိနိုင်စေရန်၊ မျိုးစပါးပြန့်ပွားမူရ​စေရန်ရည်ရွယ်၍ စိုက်ပျိုးထုတ်လုပ်​စေခဲ့ခြင်းဖြစ်ကြောင်း​ ပြောကြားခဲ့ပြီး ယင်းမျိုးစပါးသည်သက်တမ်းတိုစပါးဖြစ်ပြီး ​နွေ၊ မိုးစိုက်ပျိုးထုတ်လုပ်နိုင်လျက်စတင် စိုက်ပျိုးချိန် ဩဂုတ် ၃၀ ရက်မှစတင်၍ နိုဝင်ဘာလ ဒုတိယပတ်တွင်ရိတ်သိမ်းနိုင်မည်ဖြစ်​ကြောင်းရိတ်သိမ်းရာတွင်လည်း အ​လေ့အလွင့်နည်းပါး​စေရန်ကုမ္ပဏီရှိရိတ်စက်များဖြင့်ရိတ်သိမ်းသွားမည်ဖြစ်ကြောင်း တွံ​တေးမြို့နယ်ရှိ ကုမ္ပ​ဏီတာဝန်ခံမန်​နေဂျာ ဦးညီညီလွင်က ရှင်းလင်း​ပြောကြားခဲ့သည်။ မြေပြင်​မြေညှီရာတွင်လည်း ထွန် စက်ကြီးများဖြင့် စနစ်တကျထွန်ယက်ထားမူကြောင့်​ ရေ​တော်မိုး​တော်​မြေပြင်ညီညာသဖြင့်စပါးအထွက်​ကောင်းမည်ဖြစ်ကြောင်း၊ ထိုကဲ့သို့ယခုနှစ်စမ်းသပ်စိုက်ပျိုးထုတ်လုပ်ခြင်းအားမြို့နယ်စိုက်ပျိုး​ရေး ဦးစီး ဌာနနှင့်​မြေစာရင်းဌာနများသို့ အသိ​ပေးစာရင်းတင်ပြထားခြင်း​များကြောင့် တွံတေးမြို့နယ်အတွင်း​ နောင်နှစ် များတွင်ပိုမိုကျယ်ပြန့်သိရှိစွာ စိုက်ပျိုးထုတ်လုပ်သွားနိုင်ကြမည်ဖြစ်​ကြောင်းနှင့် လက်မှုလယ်ယာမှ စက်မှု လယ်ယာစနစ်ကူး​ပြောင်းလာကြရာတွင် မြန်မာနိုင်ငံလယ်ယာစီးပွား​ရေးအများပိုင်​ကုမ္မဏီ APCO ပါဝင် နည်းပညာ​ပေးပူး​ပေါင်းလာမှု​ကြောင့်​ဒေသအတွင်း ကျယ်ကျယ်ပြန့်ပြန့်သိရှိ စမ်းသပ်ထုတ်လုပ်လာနိုင်ကြ မည်ဖြစ်ကြောင်း သိရသည်။

အံ့ကြီးမောင်(ဒလ)