တောင်ဥက္ကလာပမြို့နယ်အတွင်းရှိ စက်ရုံ၊ အလုပ်ရုံများ၌ ကိုရိုနာဗိုင်းရပ်စ်ရောဂါ ကာကွယ်ရေး ဆောင်ရွက်ထားမှုများအား ကွင်းဆင်းစစ်ဆေး

ရန်ကုန် ဧပြီ ၂၂ တောင်ဥက္ကလာပမြို့နယ်အတွင်းရှိ စက်ရုံ၊ အလုပ်ရုံများ၌ ကိုရိုနာဗိုင်းရပ်စ်ရောဂါ ကာကွယ်ရေး အတွက် ကျန်းမာရေးဝန်ကြီးဌာနမှ ထုတ်ပြန်ထားသောစည်းမျဉ်းများနှင့်အညီ ဆောင်ရွက်ထားခြင်းရှိ၊ မရှိကို ဧပြီ ၂၁ ရက်၊ မွန်းလွဲ ၁ နာရီက မြို့နယ်ကိုရိုနာဗိုင်းရပ်စ် ကာကွယ်ထိန်းချုပ်ကုသရေးကော်မတီမှ ဥက္ကဋ္ဌ၊ နာယကများနှင့် ကော်မတီအဖွဲ့ဝင်များ ကြီးကြပ်၍ ကွင်းဆင်းစစ်ဆေးမှုများပြုလုပ်ခဲ့ရာ လုပ်သား အင်အားများပြားသော Inno City ဆောက်လုပ်ရေးလုပ်ငန်း၊ Korace အထည်ချုပ်စက်ရုံ၊ PW & GG အထပ်သားစက်ရုံများသို့ သွားရောက်၍ ကိုရိုနာဗိုင်းရပ်စ်‌ရောဂါကာကွယ်ရေးဆောင်ရွက်ထားရှိမှုများကို စစ်ဆေးပြီး လိုအပ်သည်များကို ဆက်လက်ဆောင်ရွက်ရန် ဆွေးနွေးညှိနှိုင်းခဲ့ကြောင်း သိရသည်။ နေထက်အောင်