နယူးဒေလီ ဩဂုတ် ၂၆
ကိုရိုနာဗိုင်းရပ်စ် ကပ်ရောဂါကြုံတွေ့နေချိန်တွင် ကမ္ဘာတစ်ဝန်းရှိ တက္ကသိုလ်များ၌ အစဉ်အလာအတိုင်း ဘွဲ့နှင်းသဘင် အခမ်းအနား ကျင်းပနိုင်ခြင်းမရှိသေးသော်လည်း အိန္ဒိယတက္ကသိုလ်တစ်ခုက တီထွင်ဆန်းသစ်သည့် နည်းလမ်းဖြင့် ကျောင်းသားများကို ဘွဲ့ပေးအပ်ချီးမြှင့်ခဲ့သည်။ ပြီးခဲ့သည့်တနင်္ဂနွေနေ့တွင် ဘုံဘေမြို့ အိန္ဒိယ နည်းပညာသိပ္ပံ(IIT) က ပုံရိပ်ယောင်ဘွဲ့နှင်းသဘင် အခမ်းအနားကျင်းပခဲ့သည်။
ကျောင်းသား၊ ကျောင်းသူ ၂၀၀၀ ကျော်၏ ပုံရိပ်များကို ဗီဒီယိုဇာတ်ရုပ်များ ဖန်တီးပြီး IIT ဒါရိုက်တာ ချောက်ဒူရီပုံစံ ဖန်တီးထားသည့် ဗီဒီယိုဇာတ်ရုပ်က ကျောင်းသား၊ ကျောင်းသူတစ်ဦးချင်းစီကို ဘွဲ့ပေးအပ်ခဲ့ခြင်းဖြစ်သည်။ ပုံရိပ်ယောင်ဘွဲ့နှင်းသဘင် အခမ်းအနားကို ဒေသခံရုပ်သံလိုင်း ၂ လိုင်းတွင် ပြသခဲ့ပြီး YouTube နှင့် Facebook တို့တွင်လည်း တိုက်ရိုက်ထုတ်လွှင့်ပြသခဲ့ကြောင်း အိန္ဒိယအစိုးရ၏ သတင်းအချက်အလက်ဗျူရိုက ထုတ်ပြန်ကြေညာခဲ့သည်။
အိန္ဒိယနည်းပညာသိပ္ပံ(IIT)မှာ အိန္ဒိယနိုင်ငံတွင် ဂုဏ်သတင်းအကျော်ကြားဆုံး နည်းပညာ တက္ကသိုလ်တစ်ခုဖြစ်ပြီး နည်းပညာလောက၏ ထိပ်တန်းပုဂ္ဂိုလ်တစ်ဦးဖြစ်သည့် ဂူဂဲလ်ကုမ္ပဏီအမှုဆောင်ချုပ် ဆန်ဒါပီချိုင်းကဲ့သို့ ဆီလီကွန်တောင်ကြား၏ နာမည်ကျော်ပုဂ္ဂိုလ်များကို မွေးထုတ်ပေးနိုင်ခဲ့သည်။
KNT