ပျဉ်းမနားမြို့နယ်၌ မူးယစ်ဆေးဝါးများ ဖမ်းဆီးရမိ
ပျဉ်းမနား ဧပြီ ၂၀ ဧပြီ ၁၉ ရက်၊ ညနေ ၄ နာရီအချိန်၌ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သည့် ပူးပေါင်းအဖွဲ့သည် ပျဉ်းမနားမြို့နယ်၊ စီကောက်ကျေးရွာရှိ ဝင်းအောင်(၄၀)နှစ်၏ နေအိမ်သို့ ဝင်ရောက်ရှာဖွေရာ ၎င်းလွယ်ထားသော လွယ်အိတ်အတွင်းမှ ပလတ်စတစ်အိတ်ဖြင့်ထည့်လျက် စိတ်ကြွရူးသွပ်ဆေးပြား ၂၆၀ ပြား၊ ဘိန်းဖြူ ၄ ဂရမ် ၊ ဖုန်း ၁ လုံးတို့နှင့်အတူ ဖမ်းဆီးရမိခဲ့သဖြင့် ဝင်းအောင်အား မူးယစ်ဆေးဝါးနှင့်စိတ်ကို ပြောင်းလဲစေတက်သော ဆေးဝါးများဆိုင်ရာဥပဒေအရ စစ်ဆေးအရေးယူလျက်ရှိကြောင်း သိရသည်။ ဆွေဦး
