ရော်နယ်လ်ဒိုခေါ်လိုတာက ရီးရဲလ်သင်းမှာ အတွဲညီစွာအတူကစားခဲ့တဲ့ ဘန်ဇီးမား
ဩဂုတ် ၂၁
ဂျူဗင်တပ်အသင်းရဲ့ တိုက်စစ်ကစားသမားကြီး စီရော်နယ်လ်ဒိုက သူ့ရဲ့ရီးရဲလ်အသင်းဖော်ဟောင်း၊ တွဲဖက်ညီညီနဲ့ ခြေစွမ်းပြခဲ့ကြတဲ့ ကစားဖော်ဟောင်းဖြစ်တဲ့ ဘန်ဇီးမားကိုခေါ်ယူပေးဖို့ ဂျူဗင်တပ်အသင်းကိုတောင်းဆိုလိုက်ပါတယ်။
ရော်နယ်လ်ဒိုနဲ့ ဘန်ဇီးမားတို့ဟာ ရီးရဲလ်မက်ဒရစ်မှာ အတွဲအဖက်ညီညီနဲ့ခြေစွမ်းတွေပြခဲ့တာကြောင့် ချန်ပီယံလိဂ် ဖလား(၄)ကြိမ်အပါအဝင် အခြားဆုဖလားတွေကိုလည်း ရယူနိုင်ခဲ့ကြပါတယ်။ ရော်နယ်လ်ဒိုဟာ တူရင်မြေမှာ ပြင်သစ်သားဘန်ဇီးမားနဲ့ ဒိုင်ဘာလာအပါ သူတို့သုံဦးတွဲဖက်ညီညီနဲ့ အသင်းကိုအောင်မြင်မှုတွေ အများကြီးရရှိအောင် စွမ်းဆောင်နိုင်ကြမယ်လို့အထူးယုံကြည်လျက်ရှိပါ တယ်။
ဂျူဗင်က ဘန်ဇီးမားကိုခေါ်ချင်နေပေမယ့် ရီးရဲလ်ဟာသူတို့ရဲ့အဓိက ကစားသမားကိုလက်လွှတ် အဆုံးရှုံးခံပါ့မလား၊ ဘန်ဇီးမားကလည်း စပိန်ကလပ်ကနေထွက် ခွာဖို့စိတ်ထက်သန်မှုရှိပါ့မလားလို့ ဒီပိုတီဗို့ သတင်းကဆိုထားပါတယ်။ ရီးရဲလ်အသင်းကနေ ရော်နယ်လ်ဒိုထွက်ခွာသွားပြီးတဲ့နောက် အသင်းမှာ ဘန်ဇီးမားကသာ ခြေစွမ်းပြသနေခဲ့တာဖြစ်ပါတယ်။ နောက် ၂ ရာသီမှာ ၅၇ ဂိုးသွင်း၊ ၂၂ ဂိုးဖန်တီးမှုတွေပြုလုပ် နိုင်ခဲ့ပါတယ်။ ဘန်ဇီးမားနဲ့ ရော်နယ်လ်ဒိုတို့အတူ တွဲဖက်ကစားခဲ့တဲ့ခြေစွမ်းတွေ၊ သူရီးရဲလ်ကထွက်လာပြီး အခုလိုဘန်ဇီးမားရဲ့စွမ်းဆောင်ရည်ကောင်းတွေကြောင့် ဂျူဗင်မှာဘန်ဇီးမားနဲ့တွဲပြီး ထပ်မံတွဲဖက်ကစားချင်နေခဲ့တာဖြစ်ပါတယ်။ ဂျူဗင်တပ်အသင်းဟာ ချန်ပီယံလိဂ်ရလဒ်တွေဆိုးခဲ့တာကြောင့် နည်းပြဆာရီကို ထုတ်ပယ်ပြီး နည်းပြသစ်ပီယာလိုကို ခန့်အပ်ကာအသင်းကို ပြုပြင်ပြောင်းလဲမှုတွေလုပ်ဆောင်လျက်ရှိပါ တယ်။
(SO)
