ပြိုင်ဘက်ကို နောက်ကလိုက်ကစားပြီးမှ အနိုင်ရခဲ့တဲ့ ဆရီနာဝီလျံ
ဩဂုတ် ၂၁
ကမ္ဘာ့နံပါတ်တစ် တင်းနစ်မယ်ဟောင်း ဆရီနာဝီလျံဟာ ခြောက်လအတွင်း ပထမဆုံးပြန်ကစားတဲ့ပွဲစဉ် မှာ ပြိုင်ဘက်ဘာနာဒါပီရာကို နောက်ကလိုက်ကစားပြီး အနိုင်ရရှိခဲ့တယ်လို့သိရပါတယ်။
ဂရင်းစလင်းချန်ပီယံဆု ၂၃ ကြိမ်အထိရရှိထားတဲ့ အမေရိကန်အမျိုးသမီးတင်းနစ်မယ် ဆရီနာဝီလျံဟာ ကန်တက်ကီမှာကျင်းပတဲ့ Top Seed Open ပြိုင်ပွဲ ဒုတိယပွဲစဉ်မှာ ၄-၆၊ ၀-၄၊ ၄-၄ မှတ်နဲ့ အသည်းအသန် ရုန်းကန်ခဲ့ရပေမယ့် ၂ နာရီနဲ့ ၁၅ မိနစ်အတွင်း ၄-၆၊ ၆-၄၊ ၆-၁ ရမှတ်နဲ့ ပြန်လည်အနိုင်ရခဲ့ကြောင်း သိရှိရပါတယ်။ ထိုနိုင်ပွဲအတွက် ဝီလျံက “ကျွန်မသာ စိတ်ဆန္ဒရှိနေရင် ဒီထက်ပိုကောင်းအောင်ကစားနိုင် မယ်ဆိုတာ နားလည်ထားပါတယ်”လို့ ပြောကြားခဲ့ပါတယ်။
ဝီလျံဟာ နောက်ပွဲစဉ်မှာ အစ်မဖြစ်သူဗီးနပ်ဝီလျံနဲ့ ဆုံတွေ့ရဖွယ်ရှိနေပြီး ကမ္ဘာ့နံပါတ်တစ်ဟောင်း ဗီးနပ်ဝီလျံကလည်း ဗစ်တိုးရီးယားအဇန်ရန်ကာကို ၆-၃၊ ၆-၂ ရမှတ်နဲ့ အနိုင်ရခဲ့တာပါ။ ဆရီနာဝီလျံ နောက်ဆုံးကစားခဲ့တဲ့ပွဲစဉ်က ဖေဖော်ဝါရီလမှာကစားခဲ့တဲ့ Fed Cup ပြိုင်ပွဲဖြစ်ပြီး ပထမဆုံး ခြောက်လအတွင်း ပထမဆုံးပြန်ကစားတဲ့ပွဲစဉ်မှာ ရှုံးပွဲနဲ့ကြုံရတော့မလိုဖြစ်ခဲ့ပေ မယ့် နောက်ပိုင်းမှာပြန်လည်အနိုင်ယူနိုင်ခဲ့ပါတယ်။
အခြားပွဲစဉ်မှာ အသက် ၁၆ နှစ်အရွယ် ကမ္ဘာ့အဆင့် ၅၃ ကိုကိုဂေါ့ဖ်က အမေရိကန်လူမျိုး ကာရိုလိုင်းဒိုလီဟိုက်ကို ၇-၅၊ ၇-၅ ရမှတ်နဲ့ အနိုင်ရခဲ့ပါတယ်။ ဆရီနာဝီလျံဟာ ယူအက်စ်အိုးပင်းနဲ့ ပြင်သစ်အိုးပင်းပြိုင်ပွဲများကိုလည်း ပါဝင်ယှဉ်ပြိုင် သွားမယ်ဆိုတာသိရပါတယ်။
(SO)
