COVID-19 ရောဂါကူးစက်ခံရတဲ့ ကင်ညာအပြေးသမား ကစ်ရူတို ဒိုင်းမွန်းလိဂ်ပြိုင်ပွဲလွဲချော်
ဩဂုတ် ၁၈
အိုလံပစ်နဲ့ မီတာ ၃၀၀၀ အခက်အခဲအတားအဆီးဖြတ်ကျော် အပြေးချန်ပီယံ ကွန်ဆက်လပ်ကစ်ရူတိုဟာ COVID-19 ရောဂါကူးစက်ခံထားရတာကြောင့် မိုနာကိုမှာ ကျင်းပမယ့် ဒိုင်းမွန်းလိဂ်အပြေးပြိုင်ပွဲကို လွဲချော် ရတော့မှာဖြစ်ပါတယ်။
အသက် ၂၅ နှစ်ရှိ ကစ်ရူတိုဟာ ပြင်သစ်အစိုးရရဲ့ ဗီဇာထုတ်ပေးမှုအရ မိုနာကို ဒိုင်းမွန်းလိဂ်ပြိုင်ပွဲမှာပါဝင်ယှဉ်ပြိုင်ခွင့်ရတဲ့ကင်ညာအပြေသမား ၁၁ ဦးထဲက တစ်ဦးဖြစ်ပါတယ်။ ဒါပေမယ့် အဲဒီပြိုင်ပွဲမတိုင်မီ ဆေးစစ်မှုပြုလုပ်ခဲ့ရာ ကစ်ရူတိုမှာ ကိုရိုနာဗိုင်းရပ်စ်ကူးစက်ခံထားရကြောင်းတွေ့ရှိခဲ့ပါတယ်။
“ကျွန်တော့်မှာ ဘယ်လိုရောဂါလက္ခဏာမှ ပြသနေခြင်းမရှိပါဘူး၊ အခြေအနေကလုံးဝကိုကောင်းမွန်နေတာပါ။ ကျွန်တော်က ပြိုင်ပွဲဝင်ပြီးကမ္ဘာ့စံချိန်ချိုးဖို့ ရည်ရွယ်ထားတာပါ။ အစိုးရတာဝန်ရှိသူတွေလုပ်ဆောင်ပေးချက်တွေအတွက် ကျေးဇူးတင်ပါတယ်။ မကြာခင်မှာတော့ ကျွန်တော်ပြိုင်ပွဲဝင်နိုင်မှာပါ”လို့ ဒိုင်မွန်းလိဂ်ပြိုင်ပွဲနဲ့ လွဲချော်ခဲ့ရတဲ့ ကစ်ရူတိုက ပြောခဲ့ပါတယ်။
(SO)
