ပြောင်းဖူးကို တစ်နှစ်ပတ်လုံး ထိုင်းနိုင်ငံသို့တင်ပို့နိုင်ရန်စီစဉ်

  ရန်ကုန်  ဩဂုတ်  ၁၇

ပြည်တွင်းထွက် ပြောင်းသီးနှံ(ပြောင်းဖူး)ကို ထိုင်းနိုင်ငံသို့ တစ်နှစ်ပတ်လုံးတင်ပို့နိုင်ရန် ညှိနှိုင်းဆောင်ရွက်မှုများပြုလုပ်လျက်ရှိကြောင်းကို  စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ဒုတိယဝန်ကြီးက “ထိုင်း နိုင်ငံရဲ့ ပြောင်းတင်ပို့မှုကန့်သတ်ချက်မှာ နှစ်စဉ် ဖေဖော်ဝါရီလမှ သြဂုတ်လအထိ Duty Free,Quota Free ခွင့်ပြု ထားပါတယ်။ ထိုင်းနိုင်ငံသို့ ပြောင်းကို တစ်နှစ်ပတ်လုံးတင်ပို့ခွင့်ရရှိရေးအတွက် ထိုင်းနိုင်ငံ Public Ware- house Organization –PWO နဲ့ ညှိနှိုင်း ဆောင်ရွက်လျက်ရှိပါတယ်"ဟု ပြီးခဲ့သည့် သြဂုတ်လဆန်းပိုင်းက ကျင်းပ ခဲ့သည့် ပြည်ထောင်စုလွှတ်တော်အစည်းအဝေးတွင် ပြောကြားခဲ့ခြင်းဖြစ်သည်။

ပြောင်းတင်ပို့မှုသည် လက်ရှိဘဏ္ဍာနှစ် ဇူလိုင်လ ၂၄ ရက်အထိ တန်ချိန် ၂ ဒသမ ၁၅ သန်းကျော်တင်ပို့နိုင်ခဲ့ပြီး ပြီးခဲ့သည့်နှစ် ကာလတူထက် တန်ချိန် ၈ ဒသမ ၇ သိန်း ပိုမိုတင်ပို့နိုင်ခဲ့ကြောင်း၊ ပြောင်းတင်ပို့မှုတွင် ယခင်က တရုတ်နိုင်ငံသို့ နယ်စပ်မှတစ်ဆင့် အများဆုံးတင်ပို့နေရာမှ လက်ရှိဘဏ္ဏာနှစ်တွင် ထိုင်းနိုင်ငံသို့ နယ်စပ်မှ တစ်ဆင့် တန်ချိန် ၁ ဒသမ ၄ သန်း ၊ ပင်လယ်ရေကြောင်းမှ တန်ချိန် ၆ သိန်းခန့် တင်ပို့နိုင်ခဲ့သည့်အတွက်  ဈေးကွက်ချဲ့ထွင်နိုင်ခဲ့ပြီဖြစ်သည်။

ယခုဘဏ္ဏာနှစ်တွင် တန်ချိန် ၂ ဒသမ ၁၅ သန်းကျော်အထိ တင်ပို့နိုင်ခဲ့သည့်အတွက် ပြည်တွင်းမှာ လက်ကျန်နည်းပါးနေပြီး ပြည်တွင်းမွေးမြူရေးလုပ်ငန်းများအတွက် ပြည်ပမှပြန်လည်တင်ပို့ရမည့်အခြေ အနေဖြစ်ပေါ်နေသည့်အတွက် မြန်မာ့ပြောင်းတင်ပို့မှုသည်လည်း ရပ်ဆိုင်းသွားခြင်းမျိုးမဟုတ်ဘဲ ဈေးကွက် ရွှေ့ပြောင်းသွားခြင်းသာဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ဒုတိယဝန်ကြီးက ထပ်မံပြောကြားထား သည်။                                                                                                                                         

(WP)