အင်းစိန်မြို့နယ်၌ အသွားအလာကန့်သတ်(Lockdown)ပြုလုပ်ထားသည့် လမ်းများအား လှုမှုရေးဝန်ကြီး ဦးနိုင်ငံလင်း လိုက်လံကြည့်ရှုစစ်ဆေး

ရန်ကုန် ဧပြီ ၁၉ ရန်ကုန်တိုင်းဒေသကြီး မြောက်ပိုင်းခရိုင်၊ အင်းစိန်မြို့နယ်၌ အသွားအလာကန့်သတ် (Lockdown)ပြုလုပ်ထား သည့် လမ်းများအား လှုမှုရေးဝန်ကြီး ဦးနိုင်ငံလင်း လိုက်လံကြည့်ရှုစစ်ဆေးခြင်းကို ဧပြီ ၁၈ ရက် နေ့လယ် ၁ နာရီအချိန်က စစ်ဆေးခဲ့သည်။ ကြည့်ရှုစစ်ဆေးရာတွင် ရန်ကုန်တိုင်းဒေသကြီး အစိုးရအဖွဲ့ဝင် လူမှုရေးဝန်ကြီး ဦးနိုင်ငံလင်း သည် အင်းစိန်မြို့နယ်၊ ပြည်သူ့လွှတ်တော်ကိုယ်စားလှယ် ဦးမောင်မောင်ဦး အမှတ် (၂) တိုင်းဒေသကြီး လွှတ်တော်ကိုယ်စားလှယ် ဦးဝေဖြိုးဟန်၊ မြို့နယ်အုပ်ချုပ်ရေးမှူး ဦးဝင်းအောင်နှင့် ရပ်ကွက်အုပ်ချုပ်ရေးမှူးများ၊ မြို့နယ်ကြက်ခြေနီအသင်းခွဲမှ အဖွဲ့ဝင်များ၊ တာဝန်ရှိသူများနှင့်အတူ အင်းစိန်မြို့နယ်၌ ထပ်မံတွေ့ရှိခဲ့သော အတည်ပြုလူနာနှစ်ဦး ဖြစ်သည့် Case(93) ကွက်သစ်ရပ်ကွက်(၁)လမ်းနှင့် Case(94) မြိုသစ်(က+ခ)ရပ်ကွက်၊က/၅ လမ်းတို့ကိုအပိုင်းလိုက် အသွားအလာကန့် သတ်ခြင်း(Lockdown) ထားရှိမှု အခြေအနေများအား လိုက်လံ၍ စစ်ဆေးကြည့်ရှု မှာကြားခဲ့သည်။ ထို့ပြင် လွှတ်တော်ကိုယ်စားလှယ်များနှင့် တာဝန်ရှိသူများက ရပ်ကွက်မှတာဝန်ရှိသူများအား ရောဂါကာကွယ်ရေးလုပ်ငန်းများကို အချိန်နှင့်တပြေးညီ လုပ်ဆောင်သွားရန် ဆွေးနွေးမှာကြားခဲ့ပြီး အင်းစိန်၌ ယခုနှစ်ဦးအပါအဝင် ကိုဗစ်-၁၉ ရောဂါပိုး အတည်ပြုလူနာ ၁၉ ဦးရှိပြီး ဖြစ်ကြောင်း သိရသည်။ ဇွဲထက်ကို(ပြန်/ဆက်)