သမ္မတရွေးကောက်ပွဲဝင်မည့် ဂျိုးဘိုင်ဒင်၏ တွဲဖက်ကိုယ်စားလှယ်အဖြစ် ကာမာလာဟာရစ် ရွေးချယ်ခံရ
ဝါရှင်တန်၊ ဩဂုတ် ၁၂
အမေရိကန်သမ္မတ ရွေးကောက်ပွဲဝင်ရောက်ယှဉ်ပြိုင်မည့် ဒီမိုကရက်တစ်ပါတီ ကိုယ်စားလှယ် ဂျိုးဘိုင်ဒင်က အထက်လွှတ်တော်အမတ် ကာမာလာဟာရစ်ကို ယင်း၏တွဲဖက်ကိုယ်စားလှယ်အဖြစ် ရွေးချယ်ခဲ့ သည်။ ကာမာလာဟာရစ်မှာ ယခုကဲ့သို့ ရွေးချယ်ခံရသည့် ပထမဆုံး လူမည်းအမျိုးသမီး၊ အာရှနွယ်ဖွား အမေရိကန်နိုင်ငံသူ ဖြစ်လာခဲ့သည်။
အိန္ဒိယ-ဂျမေကာသွေးနှောသည့် ကယ်လီဖိုးနီးယားလွှတ်တော်အမတ် ကာမာလာဟာရစ်မှာ အချိန်အတော်ကြာကတည်းက ဒုတိယသမ္မတရာထူးအတွက် ဝင်ရောက်ယှဉ်ပြိုင်ခွင့်ရမည်ဟု ထင်ကြေးပေး ခံထားရသူဖြစ်သည်။ ရဲတပ်ဖွဲ့က မလိုအပ်ဘဲ အင်အားသုံးခဲ့သည်ဆိုသော စွပ်စွဲချက်များကြောင့် အမေရိကန်နိုင်ငံ တစ်ဝန်းတွင် လူမျိုးရေးခွဲခြားမှုဆန့်ကျင်ရေး ဆန္ဒပြပွဲများ ဖြစ်ပွားလျက်ရှိရာ ရဲတပ်ဖွဲ့ပြုပြင်ပြောင်းလဲရေးလုပ် ရန် လိုအပ်သည်ဟု ကာမာလာဟာရစ်က ပြောသည်။ ဂျိုးဘိုင်ဒင်မှာ လာမည့်နိုဝင်ဘာလ ၃ ရက်တွင် ကျင်းပမည့် သမ္မတရွေးကောက်ပွဲတွင် လက်ရှိသမ္မတ ဒေါ်နယ်ထရမ့်နှင့် ယှဉ်ပြိုင်ရမည်ဖြစ်သည်။ ကာမာလာဟာရစ်မှာ အောက်တိုဘာလ ၇ ရက်တွင် ယူတားပြည်နယ် ဆော့လိတ်မြို့တွင် ဒေါ်နယ်ထရမ့်၏ တွဲဖက်ကိုယ်စားလှယ် မိုက်ပန့်စ်နှင့် စကားရည်လုရမည်ဖြစ်သည်။
၁၉၈၄ ခုနှစ်တွင် ဒီမိုကရက်တစ်ပါတီက ဂျရယ်ဒင်ဖာရာရို၊ ၂၀၀၈ ခုနှစ်တွင် ရီပတ်ဗလစ်ကန်ပါတီက ဆာရာပေါ်လင် စသည့် အမျိုးသမီးနှစ်ဦးကို ဒုတိယသမ္မတနေရာအတွက် ကိုယ်စားလှယ်လောင်းအဖြစ် ရွေးချယ်ခဲ့ဖူးသော်လည်း ယင်းတို့နှစ်ဦးလုံး အနိုင်ရခဲ့ဖူးခြင်းမရှိပေ။
KNT
