ကွမ်းခြံကုန်းမြို့နယ်တွင် ငါးမျိုးစိုက်ထည့်ပွဲနှင့်ငါးမျိုးများ ပေးအပ်ပွဲကျင်းပ
ရန်ကုန် ဩဂုတ် ၆
ရန်ကုန်တိုင်းဒေသကြီး တောင်ပိုင်းခရိုင် ကွမ်းခြံကုန်းမြို့နယ်ငါးလုပ်ငန်းဦးစီးဌာန၏ ငါးမျိုးစိုက်ထည့်ပွဲ နှင့်ငါးမျိုးများပေးအပ်ပွဲကို ဩဂုတ် ၆ ရက် နံနက်(၈)နာရီက တောင်ဘက်ပိုင်းရပ်ကွက် ကွမ်းခြံကုန်း လက်ခုပ်ကုန်း ကားလမ်းဘေးတွင်ရှိသောကွင်းအမှတ်(၃၇၀/A)တောင်သူဦးညွှန့်ရွေ၏စပါးစိုက်ကွင်း၌ကျင်းပခဲ့သည်။
ငါးမျိုးစိုက်ထည့်ပွဲသို့ မြို့နယ်အထွေထွေအုပ်ချုပ်ရေးမှူး ဦးကျော်ကျော်ထွန်းနှင့်ဌာနဆိုင်ရာများ၊ မြို့နယ်မိခင်နှင့် ကလေးစောင့်ရှောက်ရေးအသင်းနှင့်အမျိုးသမီးရေးရာအဖွဲ့ဝင်များ၊ မြို့နယ်ကြက်ခြေနီ တပ်ဖွဲ့ဝင်များ၊ တောင်သူဦးကြီးများတက်ရောက်၍ စပါးစိုက်ခင်းများအတွင်းငါးမျိုးများ စိုက်ထည့်ပေးခဲ့ကြသည်။ ငါးမျိုးများစိုက်ထည့်ရာတွင်ငါးခုံးမကြီးကောင်ရေ(၁၀၀,၀၀၀)အားစပါးခင်းဧရိယာဧက(၂၀၀)အတွက် တစ်ဧကလျှင်ကောင်ရေ(၅၀၀)နှုန်းဖြင့် တောင်သူဦးကြီး ၃၁ ဦးကို ငါးသားပေါက်အိတ်များ ပေးအပ်ခဲ့ကြောင်း သိရသည်။
ထွန်းထွန်းစိုး(ပြန်/ဆက်)
