အိမ်ရှင်အသင်းကို မကြောက်ရွံ့ပါဘူးဆိုတဲ့ လိုင်ယွန်တိုက်စစ်မှူး မန်ဖစ်ဒီပိုင်း
ဩဂုတ် ၅
ချန်ပီယံလိဂ် ၁၆ သင်းအဆင့်ရှုံးထွက် ဒုတိယအကျော့ပွဲစဉ်အဖြစ် ဂျူဗင်တပ်နဲ့ လိုင်ယွန်တို့ ဩဂုတ် ၈ ရက်မှာ ယှဉ်ပြိုင်ကြရမှာပါ။ ဂျူဗင်တပ်ဟာ ပွဲစဉ်တွေများစွာကစားထားရတဲ့အပြင် စီးရီးအေချန်ပီယံဆုကို ရရှိထားတဲ့အသင်းပါ။ ဒါပေမယ့် ကျွန်တော်တို့အသင်းကတော့ အိမ်ရှင် ဂျူဗင်တပ်ကိုကြောက်ရွံ့နေမှာ မဟုတ်ပါဘူး။ ကျွန်တော်တို့အတွက် အခွင့်အရေးတွေများစွာရှိနေပါတယ်လို့ လိုင်ယွန်တိုက်စစ်မှူး မန်ဖစ်ဒီပိုင်း က ပြောဆိုလိုက်ပါတယ်။
COVID စဖြစ်ကတည်းက ပြင်သစ်လီဂူးပွဲတွေရပ်နားထားခဲ့လို့ လိုင်ယွန်ပွဲဆက်ပျက်နေခဲ့ပါတယ်။ ပွဲတွေ ပြန်စပြီး ပြီးခဲ့တဲ့ရက်ပိုင်းက PSG နဲ့ ပြင်သစ်လိဂ်ဖလားဖိုင်နယ်ကစားခဲ့ရာမှာ ကံဆိုးခဲ့ပြီးပင်နယ်တီနဲ့ရှုံးခဲ့ပါ တယ်။ လက်ရှိမှာ ဂျူဗင်တပ်အသင်းဟာ ပွဲများစွာကိုပြန်လည်ကစားထားရပြီး စီးရီးအေချန်ပီယံလည်းဖြစ်ခဲ့တာကြောင့် စိတ်ဓာတ်ပိုင်းတက်ကြွနေမှာပါ။ ခုပွဲကိုလည်း ဂျူဗင်တပ်ကွင်းဖြစ်တဲ့ အလိုင်းရန့်မှာ ကစားရမှာဆိုတော့ ဂျူဗင်တို့ အခွင့်အရေးပိုကောင်းနေပါတယ်။ ပထမအကျော့မှာ လိုင်ယွန်က အိမ်ကွင်းမှာ ၁-၀ နဲ့နိုင်ထားတာပါ။ ဒီပွဲမှာ ဒီပိုင်းဒဏ်ရာရနေလို့မပါဝင်ခဲ့ပါဘူး။
ဒီပိုင်းက “ပထမအကျော့မှာ အသင်းသားတွေရဲ့ တိုက်ပွဲဝင်စိတ်ဓာတ် တွေကို မြင်လိုက်ရပါတယ်။ ပျော်ရွှင်ခဲ့မိပါတယ်။ လက်ရှိဂျူဗင်ဟာ ကျွန်တော်တို့ထက်ပွဲအများကြီးကစားထား ရပါတယ်။ ကျွန်တော်လည်း ဒီပွဲစဉ်မှာပါဝင်ကစားရဖို့မျှော်လင့်နေပါတယ်။ အဆင်သင့်လည်းဖြစ်နေပါပြီ၊ အသင်းတိုင်းမှာ အခွင့်အရေးတွေရှိနေပါတယ်။ ဘာကြောင့်လဲဆိုတော့ တစ်ပွဲတည်းကစားရမယ့်ပွဲမှာ အသင်း တိုင်း မီးကုန်ယမ်းကုန်ကစားကြမှာပါ။ ကျွန်တော့်အသင်းဟာ နောက်တစ်ဆင့်တက်ဖို့ရေပန်းစားနေတဲ့ အသင်းမဟုတ်ပေမယ့် ဂျူဗင်တပ်ကိုလည်း ကျွန်တော်တို့ကြောက်နေမှာမဟုတ်ပါဘူး”လို့ ထုတ်ဖော်ပြောဆို လိုက်ပါတယ်။
(SO)
