တာချီလိတ်မြို့၌ စိတ်ကြွရူးသွပ်ဆေးပြားများ ဖမ်းဆီးရမိ
တာချီလိတ် ဧပြီ ၁၄ ဧပြီ ၁၃ ရက်၊ မွန်းတည့် ၁၂ နာရီ ၄၅ မိနစ်အချိန်၌ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်ဝင်သည့် ပူးပေါင်းအဖွဲ့သည် သတင်းအရ တာချီလိတ်မြို့၊ ဆန်ဆိုင်းရပ်ကွက် နှင်းဆီ လမ်းပေါ်၌ စိုင်းလိန်(ခ)ဟိုနမ်(၂၉)နှစ် မောင်းနှင်သော SHN 4G/---- Mark II (လိုင်စင်-စိစစ်ဆဲ)ယာဉ်အား ရပ်တန့်စစ်ဆေးရာ ယာဉ်နောက်ခန်းထိုင်ခုံပေါ်၌ ဆာလာအိတ်ဖြင့်ထည့်လျက် စိတ်ကြွဆေးပြား ၂၀၀,၀၀၀ ပြား၊ ဖုန်း ၂ လုံးတို့နှင့်အတူ ဖမ်းဆီးရမိခဲ့သဖြင့် စိုင်းလိန်(ခ)ဟိုနမ်(ဖမ်းမိ)အား မူးယစ်ဆေးဝါးနှင့်စိတ်ကို ပြောင်းလဲစေတတ်သော ဆေးဝါးများဆိုင်ရာဥပဒေအရ စစ်ဆေးအရေးယူလျက်ရှိကြောင်း သိရသည်။ ဆွေဦး
