ကျောက်တံတားမြို့နယ် ကမ်းနားလမ်း Box Culvert အသစ် တည်ဆောက်

ရန်ကုန်၊  ဇူလိုင် ‌၂၆

ကျောက်တံတားမြို့နယ်၏ အဓိကမြစ်ထွက်ပေါက်ဖြစ်သော နန်းသီတာမြစ်ထွက်ပေါက်သို့ စီးဆင်းသည့် ကမ်းနားလမ်းဖြတ် ဗိုလ်အောင်ကျော်လမ်းထောင့်ရှိ Box Culvert အဟောင်းသည် မြေသားများပိတ်ဆို့ကာ ပျက်စီးနေသဖြင့် အသစ်တည်ဆောက်ပေးလျက်ရှိကြောင်းသိရှိရသည်။

အဆိုပါ Box Culvert အသစ်ကို အရှည် ၆၅ ပေ၊ အကျယ် ၅ ပေ၊ အနက် ၅ ပေ ရရှိစေရန် စက်ယန္တရား အင်အား၊ လူအင်အားများဖြင့် ဆောင်ရွက်ပေးလျက်ရှိကာ မော်တော်ယာဉ်များပိတ်ဆို့မှုမရှိစေရေး   အပိုင်း     ၃ ပိုင်း ခွဲကာ ဆောင်ရွက်လျက်ရှိပြီး ဇူလိုင် ၂၅ ရက်က တိုင်းဒေသကြီးလွှတ်တော်ကိုယ်စားလှယ် ဒေါ်မြလှစံနှင့် တာဝန်ရှိသူတို့က လာရောက်ကြည့်ရှုစစ်ဆေးရာ မြို့နယ်ရေစီးရေလာလုပ်ငန်းတာဝန်ခံ ဦးစီးအရာရှိ ဒေါ်မိုးမိုးအေးက လုပ်ငန်းဆောင်ရွက်နေစဉ် အခက်အခဲများ၊ မြေအောက်လျှပ်စစ်ကေဘယ်ကြိုးများ ရှုပ်ထွေးစွာ တည်ရှိနေမှုနှင့် သတိထားပြီး ဆောင်ရွက်ပေးမှုများကို ရှင်းလင်းတင်ပြရာ ဘက်စုံထောင့်စုံ  အန္တရာယ်ကင်းရှင်းစွာဖြင့် ဆောင်ရွက်ကြရန်နှင့် သက်ဆိုင်ရာဌာနများဖြင့် လုပ်ငန်းအဆင်ပြေစေရေး ပေါင်းစပ်ညှိနှိုင်းဆောင်ရွက်ပေးခဲ့စဉ်။

(မောင်မောင်)