စိမ်းလန်းစိုပြည်ရေးဆောင်ရွက်၊ အန္တရာယ်ရှိအပင်များရှင်း

ရန်ကုန် ဇူလိုင် ၂၄

မြို့ပြစီမံကိန်းလုပ်ငန်းတာဝန်ခံအဖွဲ့ (မြေယာရှုခင်းနှင့်အားကစားကွင်းများ)မှ ဇူလိုင်လ ၂၃ ရက်က အမက(၁၂) ရန်ကင်းနှင့် အလက(၄) မရမ်းကုန်း ကျောင်းဝင်းများအတွင်း မြက် ခြုံ ပိတ်ဆို့ပင်များရှင်းလင်းခြင်း၊ သင်္ဃန်းကျွန်း ပညာရေးကောလိပ်ဝင်းနှင့်ဒဂုံမြို့သစ်(တောင်ပိုင်း)မြို့နယ် (၅၄)ရပ်ကွက် ခိုင်ရွှေဝါလမ်းတို့တွင် ကုက္ကိုပင်လဲပြို အဆောက်အဦပေါ်ပိနေမှုအားရှင်းလင်းခြင်း၊ လှိုင်မြို့နယ် ပါရမီလမ်းနှင့် မရမ်းကုန်းမြို့နယ် သံသုမာလမ်းတလျှောက်မြက်ရှင်းခြင်း၊ ပြည်ထောင်စုလမ်းလယ်ကျွန်း ကြံ့စာပင်ပုံသွင်းခြင်း၊ သာကေတမြို့နယ် ၁ထူပါရုံအိမ်ရာဝင်း ကစားကွင်းဖေါက်ရာတွင်မလွတ်ကင်းအပင်များရှင်းလင်းခြင်း၊ မင်္ဂလာတောင်ညွန့်မြို့နယ် ဆီပန့်ဝင်းပိတ်ဆို့ပင်များရှင်းလင်းခြင်း၊ ရွှေပြည်သာမြို့နယ် (၂၀)ရပ်ကွက် မကွေးလမ်းအပင်ခြောက်ရှင်းခြင်း၊ လမ်းမတော်မြို့နယ် ရွှေလမင်းဆေးရုံရှေ့ အုပ်မိုးကိုင်းများရှင်းခြင်း၊ ​ရွှေပြည်သာမြို့နယ် ချင်းတွင်းလမ်းနှင့်ရွှေဘုန်းရှင်လမ်း၊ ကြည့်မြင်တိုင်မြို့နယ် ကမ်းနားလမ်း၊ ကမာရွတ်မြို့နယ်အင်းယားလမ်းတို့တွင် ရန်ကုန်လျှပ်စစ်ဓါတ်အားပေးရေးအဖွဲ့နှင့်ပူးပေါင်း၍ ဓါတ်အားလိုင်းမလွတ်အပင်များရှင်းလင်းခြင်းတို့ဆောင်ရွက်ခဲ့ကြောင်းသိရသည်။

သွင်မောင်မောင်