ရင်ခုန်သံ ၇၄ ရက် ရုပ်သံဇာတ်လမ်းတွဲကို mntv ရုပ်သံလိုင်းတွင် မကြာမီ ပြသမည်

ဇူလိုင်  ၂၃

 mntv ရုပ်သံလိုင်းနှင့် Bonanza Production တို့၏ ပူးပေါင်းစီစဉ်တင်ဆက်မှုဖြင့် ရိုက်ကူးထုတ်လုပ်သော ရင်ခုန်သံ ၇၄ ရက်၊ ရုပ်သံဇာတ်လမ်းတွဲကို mntv ရုပ်သံလိုင်းတွင် မကြာမီ ပြသသွားမည်ဖြစ်ကြောင်း သိရ သည်။

အဆိုပါ ရုပ်သံဇာတ်လမ်းတွဲကို ဒါရိုက်တာ မေဘရဏီက ရိုက်ကူးတည်းဖြတ်ခြင်းဖြစ်ပြီး ဇာတ်လမ်းနှင့် ဇာတ်ညွှန်းကို ရွှေရည်ရွှန်းလဲ့က ရေးသားထားသည်။

သရုပ်ဆောင်များအနေဖြင့် ခါရာ၊ မိုးယံဇွန်၊ မြတ်နိုးအေး၊ ပြည့်ဝတီမောင်၊ မေသူထွန်း၊ ထက်ဦးထွဋ်၊ မင်းသူ၊ ကောင်းမြတ်၊ မင်းမြတ်စိုးစံ၊ ဦးဝင်းမြိုင်၊ ခင်မမ၊ နိုနိုကေ၊ အကယ်ဒမီ ခင်စိုးပိုင်၊ ဒေါ်သန်းသန်းစိုး၊ ဆုရှိုင်းနှင့် အခြားအနုပညာရှင်များစွာက ပါဝင်သရုပ်ဆောင်ထားကြသည်။

အဆိုပါ ဇာတ်ကားမှာ သာမန်ဇာတ်လမ်းတွဲ ပုံစံမျိုးမဟုတ်ဘဲ နတ်ပြည်က နတ်သားတစ်ပါးနှင့် လူ့ပြည်က လူသားကောင်မလေးတို့ တွေ့ဆုံခဲ့ကြသည့်ပုံစံကို ရိုက်ကူးထားခြင်းဖြစ်ကာ ထူးခြားဆန်းပြားသည့် အကြောင်း အရာများနှင့် စိတ်ကူးယဉ်ဆန်သည့် အကြောင်းအရာများကို ပေါင်းစပ်ဖန်တီးရိုက်ကူးထားခြင်းဖြစ်သည်။

(သူရိန်)