အိမ်တွင်းလက်မှုဝါးထရံရက်ခြင်းလုပ်ငန်းဖြင့် မိသားစုဝင်ငွေရရှိပြီး စားဝတ်နေရေးအဆင်ပြေ

ဆိပ်ဖြူဇူလိုင်  ၁၄

မကွေးတိုင်းဒေသကြီး၊ ဆိပ်ဖြူမြို့နယ်၌ အိမ်တွင်းလက်မှုလုပ်ငန်းတစ်ခုဖြစ်သည့် ဝါးထရံရက်ခြင်း လုပ်ငန်းလုပ်ကိုင်ခြင်းဖြင့် မိသားစုဝင်ငွေရရှိပြီးနေ့စဉ်စားဝတ်နေရေးအတွက် အဆင်ပြေလျက်ရှိကြောင်း သိရသည်။

ယခင်ကဝါးထရံရက်လုပ်ရာတွင် ဒေသထွက် ဝါးမျိုးများကိုသာအသုံးပြုခဲ့ကြပြီး ယခုအခါ ဝါးထရံရက်လုပ် ရန် ကုန်ကြမ်းပစ္စည်းတစ်ခုဖြစ်သည့် တင်းဝါးအမျိုးအစားများကိုပဲခူးတိုင်းဒေသကြီးအတွင်းရှိဒိုက်ဦးမြို့နယ် နှင့် နေပြည်တော်တို့မှ မှာယူရပြီး ဝါးတစ်လုံးဒေသအရောက် ငွေကျပ် ၅၇ဝ နှုန်းဖြင့် ဝယ်ယူလုပ်ကိုင်ရသည်။

ဝါးထရံရက်လုပ်နေသူတစ်ဦးကဝါးထရံရက်လုပ်ရာတွင် ရိုးရိုး(အထူ)၊ နှစ်ပါးချီ၊  ကွက်ဆန်းနှင့် ပွဲထောင်ဆိုပြီးအမျိုးအစားလေးမျိုးရက်လုပ်ရောင်းချရသည်။

ဝါးထရံရက်လုပ်ရာတွင် ၁ ပေပတ်လည်(စတုရန်း)ကွက် တစ်ကွက်လျှင် ရိုးရိုး(အထူ)ငွေကျပ်  ၂ဝဝ၊  ပွဲထောင်နှင့် နှစ်ပါးချီငွေကျပ်  ၃ဝဝ၊ ကွက်ဆန်းငွေကျပ် ၅ဝဝ နှုန်းရရှိကြောင်း၊ တစ်နေ့လျှင် မိသားစုတစ်စုအနေဖြင့် အိမ်တွင်းလက်မှုဝါးထရံ(ရိုးရိုးအထူ) ရက်လုပ်ရာတွင် ၁ဝ ပေပတ်လည် တစ်ချပ်မှ တစ်ချပ်ခွဲအထိနေ့စဉ်ရက်လုပ်ပြီးစီးကြောင်း၊ တစ်ပိုင်တစ်နိုင် အိမ်တွင်းလုပ်ငန်းမှ ငွေကျပ် ၁၅ဝဝဝ မှ ငွေကျပ် ၂ဝဝဝဝ  အထိမိသားစုဝင်ငွေရရှိကြောင်းသိရသည်။

(သူရိန်)