Lady Gaga ၏ “Stupid Love” MV ထွက်ရှိ

Lady Gaga ၏ ‘Stupid Love’ အမည်ရှိ သီချင်းသစ်ကို ဖေဖော်ဝါရီ ၂၈ ရက်က ထွက်ရှိခဲ့ကြောင်း သိရသည်။ ထိုသီချင်းသည် ပြီးခဲ့သည့် တစ်လကျော်က အွန်လိုင်းပေါ်တွင် ပေါက်ကြားခဲ့ပြီး ယခုအခါ တရားဝင် MV အဖြစ် ထွက်ရှိလာခဲ့သည်။ အရောင်စုံ ကာလာစုံဖြင့် အမိုက်စား MV တစ်ခုဖြစ်သည်။ Lady Gaga က ယင်း၏ အယ်ဘမ်သစ် “Chromatica,” ထွက်ရှိမည့်ရက်ကိုလည်း တွစ်တာတွင် တရားဝင်ကြေညာထားပြီး ဖြစ်သည်။ လာမည့် ဧပြီလ ၁၀ ရက် တွင်ထွက်ရှိမည်ဖြစ်ပြီး Pre Order မှာယူနိုင်ကြောင်း ပြောထားသည်။ iTunes ရှိ အယ်ဘမ် Page ၏ ဖော်ပြချက်အရ အယ်ဘမ်တွင် သီချင်း (၁၆) ပုဒ် ပါဝင် သွားမည်ဖြစ်ပြီး Lady Gaga က အယ်ဘမ်၏ executive producer နေရာ တာဝန်ယူထားပြီး producer/songwriter အဖြစ် Bloodpop (Michael Tuck er) က တာဝန်ယူထားသည်။ 'Chromatica’ ကို CD ၊ ကာလာစုံ ပလတ်စတစ် ဗီနိုင်း၊ကတ်ဆက် အခွေ ပုံစံမျိုးစုံဖြင့် ရရှိနိုင်မည်ဖြစ်သည်။ (WP)