ပဲရစ်အိုလံပစ်ပြိုင်ပွဲ ဝင်ရောက်ယှဉ်ပြိုင်ရန် မြန်မာအားကစားအဖွဲ့ ပြည်ပထွက်ခွာ
ရန်ကုန် ဇူလိုင် ၂၂
ပြင်သစ်နိုင်ငံ၊ ပဲရစ်မြို့တွင် ဇူလိုင် ၂၇ ရက်မှ ဩဂုတ် ၁၀ ရက်အထိ ကျင်းပမည့် ပဲရစ်အိုလံပစ်အားကစားပြိုင်ပွဲသို့ ရေကူးအားကစားနည်း အုပ်ချုပ်သူတစ်ဦး၊ နည်းပြတစ်ဦး၊ အားကစားသမားတစ်ဦးနှင့် ကြက်တောင်အားကစားနည်း အုပ်ချုပ်သူ တစ်ဦး၊ အားကစားသမားတစ်ဦး၊ စုစုပေါင်းငါးဦးတို့သည် (ပုံ) ယနေ့ နံနက် ၁၁ နာရီ ၂၀ မိနစ်အချိန်က ရန်ကုန်အပြည်ပြည်ဆိုင်ရာ လေဆိပ်မှ ထွက်ခွာသွားရာ မြန်မာနိုင်ငံ လှေလှော်အဖွဲ့ချုပ်နှင့် မြန်မာနိုင်ငံ ရေကူးအဖွဲ့ချုပ် ဥက္ကဋ္ဌ ဦးသောင်းထိုက်မင်း၊ အားကစား နှင့် ကာယပညာဦးစီးဌာနက တာဝန်ရှိသူများ မိဘဆွေမျိုးများက ပို့ဆောင်နှုတ်ဆက်သည်။
အောင်မြင့်ဌေး
