အပြည်ပြည်ဆိုင်ရာ သင်္ဘောသားနေ့အထိမ်းအမှတ် စုပေါင်းသွေးလှူဒါန်း

ရန်ကုန်၊ ဇွန် ၂၅

၂၀၂၄ ခုနှစ်၊ ဇွန် ၂၅ ရက်တွင် ကျရောက်သည့် အပြည်ပြည်ဆိုင်ရာ သင်္ဘောသားနေ့(Day of The Seafarer) အားဂုဏ်ပြုသောအားဖြင့် မြန်မာနိုင်ငံပင်လယ်ကူး သင်္ဘောသား အလုပ်သမားများအဖွဲ့ချုပ် က ကြီးမှူးပြီး စုပေါင်းသွေးလှူဒါန်းခြင်းကို ဇွန် ၂၄ ရက်၊ နံနက်ပိုင်း က ရန်ကုန်မြို့၊ အမျိုးသားသွေးလှူဘဏ်တွင် စုပေါင်းသွေးလှူဒါန်း ကြသည်။ 

အဆိုပါ အပြည်ပြည်ဆိုင်ရာ သင်္ဘောသားနေ့အထိမ်းအမှတ် စုပေါင်းသွေးလှူဒါန်းခြင်းကို နှစ်စဉ် စဉ်ဆက်မပြတ် လှူဒါန်းသွားမည် ဖြစ်ကြောင်းနှင့် မြန်မာနိုင်ငံ ပင်လယ်ကူးသင်္ဘောသားအလုပ်သမား အဖွဲ့ချုပ်အနေဖြင့် ပင်လယ်ကူးသင်္ဘောသားများ အလုပ်အကိုင်အခွင့် အလမ်း ပိုမိုရရှိလာစေရန် ဟောပြောပွဲများ ကျင်းပခြင်း၊ ကုန်းပတ် သင်္ဘောသားအခြေခံ လက်တွေ့သင်တန်းများပို့ချခြင်း၊ သင်္ဘောသား များ၏ အခက်အခဲများကို ကူညီဆောင်ရွက်ပေးနေသည့် အဖွဲ့ချုပ် တစ်ခုဖြစ်သည်။

အောင်မြင့်(ပြန်/ဆက်)