ပုဇွန်တောင်မြို့နယ် သာသနိကအဆောက်အဦများ၊ဘုန်းတော်ကြီးကျောင်းများသန့်ရှင်းသာယာလှပစေရေး
ဇွန် ၂၂ ရက်က မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်မြို့နယ်စည်ပင်သာယာအုပ်ချုပ်ရေးမှူးတို့မှကြီးကြပ်၍ ဌာနဆိုင်ရာများ၊ လူမှုရေး အသင်းအဖွဲ့များနှင့်ရပ်ကွက်နေပြည်သူများ ပူးပေါင်းအင်အား (၁၅၀)ဦးဖြင့်အမှတ်(၂)ရပ်ကွက်၊ ဗိုလ်ချုပ်အောင်ဆန်းလမ်းရှိ မင်္ဂလာစံကျောင်း၊ အောင်မင်္ဂလာအလယ်ကျောင်း၊သူဌေးကျောင်းနှင့်၊ကျားသင်္ဃန်း ပရိယတ္တိစာသင်တိုက် တို့တွင်စနေနေ့ အထူး စုပေါင်းလုပ်အားပေးဆောင်ရွက်ရာ ကျောင်းဝင်းများအတွင်း မြက်ပင်ချုံနွယ်များ ခုတ်ထွင်ရှင်းလင်း ခြင်း၊ သစ်ပင်အောက်တက်များ ရှင်းလင်းခြင်း၊ အုပ်မိုးကိုင်းများ ဖြတ်ညှိ ပုံသွင်းအလင်းဖွင့် ခြင်း၊ အဆောက်အဦခေါင်မိုးများပေါ်ရှိ သစ်ရွက်ကြွေအမှိုက်များ ရှင်းလင်းခြင်း၊ ရေစီးရေလာ ကောင်းမွန်စေရေး ရေမြောင်းအတွင်းရှိအမှိုက်နှင့်မြောင်းချေးများဆယ်ယူရှင်းလင်းခြင်း၊ စွန့်ပစ် အမှိုက် များသိမ်းဆည်းခြင်း၊ သစ်ရွက်ခြောက်ကြွေများ၊ သဲခဲများလှည်းကျင်းရှင်းလင်းခြင်း၊ ထွက်ရှိ အမှိုက်၊ သစ်ကိုင်းသစ်ခက်နှင့်မြောင်းချေးများကို ယာဉ်တစ်စီးဖြင့် သိမ်းဆည်း သယ်ယူစွန့်ပစ်ခြင်းတို့ကိုကုသိုလ်ယူဆောင်ရွက်ကြစဉ်။
ယဉ်မွန်
