စပါးကစားသမား ဟော့ဂျက်ကို ပြန်လည်ခေါ်ယူရန် နည်းပြ မော်ရင်ဟို စီစဉ်
ဇွန် ၂၀
ဖီနာဘာချီအသင်း နည်းပြ မော်ရင်ဟိုက စပါးအသင်းမှ ထွက်ခွာ ရန် ကြိုးပမ်းနေသည့် ကွင်းလယ်ကစားသမား ဟော့ဂျက်ကို ခေါ်ယူ ရန် စီစဉ်နေကြောင်း သိရသည်။
စပါးအသင်းအနေဖြင့် ကွင်းလယ်ကစားသမား ဟော့ဂျက်ကို ရောင်းချရန် ဆန္ဒမရှိသေးသော်လည်း ပြောင်းရွှေ့ကြေး ယူရို ၁၅သန်း ရရှိပါက လက်လွှတ်သွားမည်ဖြစ်ကြောင်း ထုတ်ပြန်ခဲ့သဖြင့် ဖီနာ ဘာချီအသင်းက ကစားသမားအတွက် ပြောင်းရွှေ့ကြေး ယူရို ၁၀ သန်းခန့်သာ အသုံးပြုမည်ဖြစ်၍ ဆွေးနွေးမှုများပြုလုပ်လျက်ရှိ သည်။
ဟော့ဂျက်သည် နည်းပြ မော်ရင်ဟိုလက်ထက်က ဆောက်သမ် တန်အသင်းမှ စပါးအသင်းသို့ ရောက်ရှိခဲ့ပြီး အသင်းတွင် ပုံမှန်ပွဲ ကစားခွင့်ရရှိခဲ့သူဖြစ်သော်လည်း ၂၀၂၁ ခုနှစ်တွင် နည်းပြ မော်ရင်ဟို ထွက်ခွာသွားပြီး နောက်ပိုင်း ပွဲကစားခွင့် လျော့နည်းလာသဖြင့် အသင်းနှင့်သက်တမ်းတိုးရန် မစီစဉ်တော့ဘဲ ထွက်ခွာရန် ဆုံးဖြတ် ခဲ့ခြင်းဖြစ်သည်။
လက်ရှိတွင် နည်းပြ မော်ရင်ဟို၏ ဖီနာဘာချီအသင်းသည် အေတီကိုအသင်းနှင့် ဆက်ဆံရေး အဆင်မပြေဖြစ်နေသည့် တိုက်စစ်မှူး ဂျာအိုဖီးလစ်ကိုခေါ်ယူရန် ကြိုးပမ်းနေသည့်အပြင် ကွင်းလယ်ပိုင်းလိုအပ်ချက်အတွက် ဟော့ဂျက်ကိုလည်း ခေါ်ယူရန် စီစဉ်နေကြောင်း သိရသည်။
သူရိန်
