ချီလီနိုင်ငံရှိ ခန်းခြောက်မြစ်တစ်စင်း ခြောက်နှစ်အကြာ ရေပြန်လည်စီးဆင်း
ဆန်တီယာဂို၊ဇွန် ၁၇
ချီလီနိုင်ငံအလယ်ပိုင်း ပက်တိုကာ မြို့ရှိ မြစ်တစ်စင်းသည် ဆိုးရွားသည့် မိုးခေါင်မှုဒဏ်ကို ခံရပြီးနောက် ခြောက် နှစ် အကြာတွင် မိုးရွာသွန်းမှုကြောင့် မြစ်ရေများ ပြန်လည် စီးဆင်းလာ ကြောင်း ဒေသခံများက ဇွန် ၁၆ ရက် တွင် ပြောသည်။
ပက်တိုကာမြို့ အုပ်ချုပ်ရေးအဖွဲ့ ၏ ထုတ်ပြန်ချက်တွင် မိုးခေါင်မှု ဒဏ်ကြောင့် ခန်းခြောက်သွားသည့် မြစ်အတွင်း ရွှံ့နွံရောနှောနေသည့် ရေများ ပြန်စီးဆင်းလာသည်ကို ဒေသခံများက မြစ်ကမ်းဘေးမှ ကြည့်ရှုကာ ပျော်ရွှင်စွာ အော်ဟစ်ကြိုဆိုကြောင်း ဖော်ပြထား သည်။
ချီလီနိုင်ငံ အလယ်ပိုင်းနှင့်တောင် ပိုင်းဒေသများတွင် မကြာသေးမီက မိုးသည်းထန်စွာ ရွာသွန်းခြင်းကြောင့် လူတစ်ဦးသေဆုံးပြီး လူနေအိမ်များ ပျက်စီးသွားခြင်းကြောင့် လူပေါင်း ထောင်ချီ၍ အိုးမဲ့အိမ်မဲ့ ဖြစ်နေကြောင်း သိရသည်။
(ref:Reuters)
