ဒေါပုံမြို့နယ် ယမုံနာ(၁)ရပ်ကွက် ပြိုလဲညောင်ပင် ရှင်းလင်း
ရန်ကုန် ဇွန် ၇
ဒေါပုံမြို့နယ်၊ယမုံနာ(၁)ရပ်ကွက်၊(၁၂)ကမ်းနားလမ်း၊အိမ် အမှတ် (၂၆၈)ရှေ့ လုံးပတ် ၁၅ ပေ၊ အမြင့်ပေ ၅၀ ခန့်ရှိ ညောင်ပင် ဇွန် ၆ ရက်နံနက် ၈ နာရီခွဲက ပြိုလဲသဖြင့် မြို့နယ်စည်ပင်သာယာအုပ်ချုပ်ရေးမှူးကြီးကြပ်၍ မြို့နယ်စည်ပင်သာယာအုပ်ချုပ် ရေးမှူးရုံး၊ ပန်းဥယျာဉ်နှင့်အားကစားကွင်းများဌာန၊ ပရဟိတအဖွဲ့ နှင့်မီးသတ်တပ်ဖွဲ့ဝင်များပူးပေါင်းအင်အား (၃၀)ဦးတို့မှ ခုတ်ထွင် ရှင်းလင်းဖယ်ရှားပြီး ယာဉ်နှစ်စီးဖြင့် သိမ်းဆည်းသယ်ယူရာတွင် နံနက် ၁၀ နာရီခွဲခန့် ရှင်းလင်းပြီးစီးကြောင်းနှင့် ညောင်ပင်ပြိုလဲမှု ကြောင့် လူထိခိုက်မှုမရှိကြောင်း သိရသည်။
ယဉ်မွန်
