ပုသိမ်ကြီးမြို့နယ်တွင် တရားမဝင်သစ်များဖမ်းမိ
ပုသိမ်ကြီး ဇူလိုင် ၃
မန္တလေးခရိုင်ပုသိမ်ကြီးမြို့နယ်(၁၆)မိုင် စစ်ဆေးရေးစခန်းတာဝန်ကျ သစ်တောဝန်ထမ်းများ၊ ပုသိမ်ကြီး မြို့နယ် သစ်တောဦးစီးဌာနမှ သစ်တောဝန်ထမ်းများ၊ အကောက်ခွန်ဦးစီးဌာနမှဝန်ထမ်းများ၊ အုန်းချော နယ်မြေရဲစခန်းမှတပ်ဖွဲ့ဝင်များ၊ ရပ်ကွက်အုပ်ချုပ်ရေးအဖွဲ့များပါဝင်သော ပူးပေါင်းအဖွဲ့သည် ဇူလိုင် ၂ ရက် နံနက် ၁၁ နာရီက ပုသိမ်ကြီးမြို့နယ်မန္တလေး-ပြင်ဦးလွင်အတက်ကားလမ်း(၁၆)မိုင်စစ်ဆေးရေး စခန်းတွင် ယာဉ်များစစ်ဆေးရာယာဉ်အမှတ် YGN/5B---Nissan Diesel ၁၂ဘီးယာဉ်ပေါ်တွင် တရားမဝင် ပိတောက်ခွဲသား ၇၄ ချောင်း(၅)တန်ခန့်တွေ့ရှိသဖြင့် ဖမ်းဆီးစဉ်ယာဉ်မောင်းမှာထွက်ပြေးတိမ်းရှောင်သွား သဖြင့် ဆက်စပ်ပတ်သက်သူများကို ရှာဖွေဖော်ထုတ်၍ သစ်တောဥပဒေနှင့်အညီ အရေးယူနိုင်ရေး ပုသိမ်ကြီးမြို့နယ်အုန်းချောရဲစခန်းက အမှုဖွင့်ဆောင်ရွက်လျက်ရှိသည်။
မောင်ပြည်သူ(မန္တလေး)
