မလေးရှား ပထမဆုံး Apple Store ဖွင့်လှစ်မည်

ကွာလာလမ်ပူ၊ဇွန် ၃

ကမ္ဘာ့အီလက်ထရောနစ် ကုမ္ပဏီကြီး တစ်ခုဖြစ်သည့် Apple ၏ ရုံးခွဲနှင့် ဆိုင်ခွဲကို မလေးရှား နိုင်ငံမြို့တော် ကွာလာလမ်ပူတွင် လာမည့် ဇွန် ၂၂ ရက် နံနက် ၁ဝ နာရီတွင် စတင် ဖွင့်လှစ်မည် ဖြစ်သည်။

အဆိုပါရုံးခွဲကို ကွာလာလမ်ပူမြို့ရှိ Exchange TRX ကုန်တိုက်တွင် ဖွင့်လှစ် မည်ဖြစ်ကြောင်း နည်းပညာကုမ္ပဏီကြီး Apple က ၎င်း၏ ဝက်ဘ်ဆိုက်တွင် ကြေညာထားသည်။ 

အဆိုပါရုံးခွဲကို မူလက ဖေဖော် ဝါရီလတွင် ဖွင့်လှစ်ရန် ခန့်မှန်းထား သော်လည်း ကိစ္စအချို့ကြောင့်နှောင့်နှေး မှုများ ရှိခဲ့ကြောင်း အသိပေး ထားကာ ဖွင့်လှစ်မည့် ရုံးခွဲနှင့် Store ၏ အတွင်း ပိုင်း ပုံစံများကိုမူ ထုတ်ဖော်ပြောကြား ခြင်းမရှိကြောင်း သိရသည်။

နည်းပညာကုမ္ပဏီ Apple အနေဖြင့် မလေးရှားနိုင်ငံ၊ ကွာလာလမ်ပူမြို့တွင် ရုံးခွဲနှင့်ဆိုင်ခွဲတစ်ခု ထပ်တိုးချဲ့ခြင်း သည် စင်ကာပူ၊ ထိုင်းနှင့် အရှေ့တောင် အာရှတွင် ကွန်ရက်ဖြန့်ကြက်နိုင်မှုကို ပြသခြင်းဖြစ်ကြောင်း သိရသည်။

(ref:CNA)