ဧပြီလအတွက် ပရီးမီးယားလိဂ် တစ်လတာအကောင်းဆုံး ကစားသမားဆု ပယ်လ်မာ ဆွတ်ခူး

မေ  ၁၁

ပရီးမီးယားလိဂ်ပြိုင်ပွဲ၏ ဧပြီလအတွက် တစ်လတာ အကောင်းဆုံး ကစားသမားဆု ကို ချဲလ်ဆီးအသင်းက ပယ်လ်မာ  ဆွတ်ခူးခဲ့ကြောင်း သိရသည်။ 

ပယ်လ်မာသည် ဧပြီလ အတွင်း ချဲလ်ဆီးအသင်းနှင့် အတူ ပရီးမီးယားလိဂ်ပြိုင်ပွဲ လေးပွဲကစားခဲ့ရာ လေးပွဲစလုံး တွင် အကောင်းဆုံးခြေစွမ်းပြသ နိုင်ခဲ့ပြီး ခုနစ်ဂိုးထိ သွင်းယူနိုင်ခဲ့ သည့်အပြင် ဂိုးဖန်တီးမှု တစ်ကြိမ် ပြုလုပ်နိုင်ခဲ့သည့် အတွက်  ဖာနန်ဒက်စ်၊ ဂါဗာဒီယို၊ ကိုင်ဟားဗက်၊ မာတီတာနှင့် ပစ်ဖို့ဒ်တို့ကို ကျော်ဖြတ်ပြီး ဧပြီ လအတွက် ပရီးမီးယားလိဂ် အကောင်း ဆုံးကစားသမားဆုကို ဆွတ်ခူးနိုင်ခဲ့ခြင်းဖြစ်သည်။

အလားတူ အကောင်းဆုံး သွင်းဂိုးဆုကိုလည်း ပယ်လ်မာက ပြီးခဲ့သည့် အဲဗာတန်းအသင်းနှင့် ချဲလ်ဆီးအသင်းတို့ ပွဲစဉ်တွင် သွင်းယူခဲ့သည့် သွင်းဂိုးဖြင့် ဆွတ်ခူး နိုင်ခဲ့သည်။

ထို့ပြင် ဧပြီလအတွက် ပရီး မီးယားလိဂ် အကောင်းဆုံး နည်းပြဆုကို အဲဗာတန်းအသင်း နည်းပြ ဒိုက်ချီက ရရှိခဲ့သည်။ နည်းပြ ဒိုက်ချီသည် အသင်းကို တန်းဆင်းဇုန်မှ လွတ်မြောက် အောင် စွမ်းဆောင်ပေးနိုင်ခဲ့ပြီး နောက် အာဆင်နယ်အသင်း နည်းပြ အာတီတာနှင့် မန်စီးတီး အသင်း နည်းပြ ဂွာဒီယိုလာတို့ကို  ကျော်ဖြတ်ပြီး အကောင်းဆုံး နည်းပြဆုကို ဆွတ်ခူးနိုင်ခဲ့ခြင်း ဖြစ်ကြောင်း သိရသည်။ 

သူရိန်