ဥရောပကလပ် အသင်းတစ်သင်းသို့ ပြောင်းရွှေ့ရန် အော်စကာ ပြင်ဆင်
မတ် ၁၇
တရုတ်စူပါလိဂ်ကလပ် ရှန် ဟိုင်း ပို့စ်အသင်း တိုက်စစ် ကစားသမား အော်စကာသည် ယခုနှစ်မကုန်ဆုံးမီအသင်းနှင့် လမ်းခွဲပြီးဥရောပ ကလပ်အသင်း တစ်သင်းသို့ ပြောင်းရွှေ့ရန်ပြင် ဆင်လျက်ရှိကြောင်း သိရသည်။
အသက် ၃၂ နှစ်အရွယ်ရှိ အော်စကာသည် ပြီးခဲ့သည့် ၂၀၁၂ ခုနှစ်က ဘရာဇီးကလပ် အင်တာနေစီယွန်နယ်အသင်း မှ ချဲလ်ဆီးအသင်းသို့ပြောင်းရွှေ့ ခဲ့ပြီးနောက် ဥရောပဘောလုံး လောကသို့ စတင်ဝင်ရောက်ခဲ့ ကာ ချဲလ်ဆီးအသင်း၌ အကောင်း ဆုံး ခြေစွမ်းပြသနိုင်ခဲ့သော် လည်း ၂၀၁၇ ခုနှစ်တွင် ချဲလ်ဆီး အသင်းမှရှန်ဟိုင်းပို့စ် အသင်းသို့ ပြောင်းရွှေ့ကစားခဲ့သူဖြစ်သည်။
လက်ရှိတွင် ရှန်ဟိုင်းပို့စ် အသင်းနှင့် အော်စကာတို့၏ စာချုပ်သက်တမ်းမှာလာမည့် နိုဝင်ဘာကုန်တွင် ကုန်ဆုံး မည်ဖြစ်ပြီးရှန်ဟိုင်းပို့စ် အသင်း က သက်တမ်းတိုးစာချုပ်ချုပ်ဆို လိုသော်လည်းအော်စကာ ကိုယ် တိုင်က ဥရောပသို့ ပြန်လည် ပြောင်းရွှေ့လိုသည့်အတွက် သက်တမ်းတိုးစာချုပ် ချုပ်ဆိုရန် ငြင်းဆိုခဲ့ပြီး ပရီးမီးယားလိဂ် ကလပ်အသင်းတစ်သင်းသို့ ပြောင်းရွှေ့ကစားရန် ပြင်ဆင် နေခြင်းဖြစ်သည်။အော်စကာသည် ရှန်ဟိုင်း ပို့စ်အသင်းနှင့်အတူ ပြိုင်ပွဲစုံ ၂၀၄ ပွဲ ပါဝင်ကစားပေးထားပြီး ၅၈ ဂိုး သွင်းယူထားသူ ဖြစ် သည်။
သူရိန်
