နတ်တလင်းမြို့နယ် မြို့မဈေးမှ ရတနာရွှေဆိုင်ပိုင်ရှင်များအား လုံခြုံရေးအသိပညာပေးဆွေးနွေး
နတ်တလင်း ဇွန် ၂၉
ပဲခူးတိုင်းဒေသကြီး၊ သာယာဝတီခရိုင် နတ်တလင်းမြို့နယ် မြို့မစျေးအတွင်းနှင့် အပြင်ဘက်ရှိ ရတနာ ရွှေဆိုင်ပိုင်ရှင်များနှင့် နတ်တလင်းမြို့မရဲစခန်းမှ စခန်းမှူး ဒုရဲမှူး ထွန်းလင်းနိုင် ဦးဆောင်သော ရဲတပ်ဖွဲ့ဝင် များသည် မြို့မစျေးတာဝန်ခံရုံးတွင် ဇွန် ၂၉ ရက် နံနက် ၉ နာရီခွဲကတွေ့ဆုံ၍ လုံခြုံရေးဆိုင်ရာကိစ္စရပ်များကို ဆွေးနွေးညှိနှိုင်းကြသည်။
ဆွေးနွေးပွဲတွင် ဒုရဲမှူးက မိမိတို့ဆိုင်များ၏လုံခြုရေးအတွက် ဆိုင်တိုင်း CCTV တပ်ဆင်အသုံးပြုရေးနှင့် ဥပဒေနှင့်မလွတ်ကင်းသောမှုခင်းကိစ္စများရှောင်ရှားရေး မှုခင်းကိစ္စများဖြစ်ပွားလာပါက မြို့နယ်မှူးရုံး ရဲတပ်ဖွဲ့စခန်းနှင့် ရပ်ကွက်အုပ်ချုပ်ရေးမှူးထံ အမြန်ဆုံးသတင်းပေးပို့ခြင်းဖြင့် ကူညီကြစေလို ကြောင်း ပြောကြားသည်။
ထို့နောက် မြို့မစျေးအပြင်ဘက်တန်းရှိ ရွှေငွေရတနာဆိုင်များအား တာဝန်ရှိသူများနှင့်အတူ လိုက်လံစစ်ဆေးစဉ်။
ဝင်းမြင့် နတ်တလင်း(ပြန်/ဆက်)
