ခရမ်းမြို့နယ် အေးရွာတွင် မြစိမ်းရောင်အတိုးရငွေဖြင့် ကွန်ကရစ်လမ်းခင်း
ရန်ကုန်၊ ဇွန် ၂၇
ရန်ကုန်တိုင်းဒေသကြီး၊ ခရမ်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ကျေးလက်နေပြည်သူ များ အလုပ်အကိုင်အခွင့်အလမ်းရရှိ၍ မိသားစုဝင်ငွေတိုးပွားစေရန်၊ ဆင်းရဲနွမ်းပါးမှုလျှော့ချပေးနိုင်စေရန်နှင့် လူမှုစီးပွားဘဝဖွံ့ဖြိုးတိုးတက်စေရန်ရည်ရွယ်၍ မြစိမ်းရောင်ကျေးရွာစီမံကိန်းကို ကျေးရွာတစ်ရွာလျှင် အရင်းမပျောက် လည်ပတ်စေရန် ရန်ပုံငွေကျပ်သိန်း ၃၀၀ မတည်အကောင်အထည်ဖော် ဆောင်ရွက်လျက်ရှိပြီး မြစိမ်းရောင်အတိုးရငွေဖြင့် အများပြည်သူသွားလာရေးအဆင်ပြေစေရန် ဘုန်းကြီးကျောင်းလမ်းအရှည် ပေ ၆၇၀ အကျယ် ၆ ပေ ထု ၆ လက်မ ကွန်ကရစ်လမ်းခင်းခြင်းလုပ်ငန်း ဆောင်ရွက်လျက်ရှိရာ အဆိုပါလုပ်ငန်းခွင့်သို့ ဇွန် ၂၆ ရက်၊ မွန်းတည့် ၁၂ နာရီက မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ဦးစီးမှူး ဦးစတင်မျိုးလွင်နှင့် ဝန်ထမ်းများက ကွင်းဆင်းကြည့်ရှုစစ်ဆေးစဉ်။
ကိုကျော် (သုံးခွ)
