ဇွန် ၂၆
ကိုယ်ဝန်ဆောင်စဉ်ဆီးချိုရောဂါဖြစ်ပွားခြင်းကြောင့် နှလုံးချို့ယွင်းမှုဖြစ်ပွားနိုင်ကြောင်းသိထားကြသော် လည်း ဆီးချိုရောဂါဖြစ်ပွားမှုအဆင့်သို့ မရောက်သေးသောအဆင့်ဖြစ်သည့်သွေးထဲသကြားဓာတ်ပမာဏ မြင့်မားခြင်းကြောင့်လည်း ကလေးငယ်၏နှလုံးတွင် ချို့ယွင်းမှုဖြစ်နိုင်သည့်အန္တရာယ်ရှိကြောင်း လေ့လာမှု တစ်ရပ်က ဖော်ပြသည်။
ကိုယ်ဝန်ဆောင်အမျိုးသမီးများသည် ဆီးချိုရောဂါအတွက်သာမဟုတ်ဘဲ အခြေအနေအမျိုးမျိုးအတွက် စစ်ဆေးရန်လိုသည်ဟု ကလေးနှလုံးအထူးကုဆရာဝန်တစ်ဦးက ပြောသည်။
သန္ဓေသားဘဝတွင် နှလုံးသည်ပုံမှန်ဖွံ့ဖြိုးခြင်းမရှိသဖြင့် နှလုံးရောဂါဖြစ်ပွားခြင်းဖြစ်ကြောင်း ယင်းက ပြောသည်။
ကိုယ်ဝန်ဆောင်အမျိုးသမီးဆီးချိုရောဂါဖြစ်ပွားခြင်းကြောင့် ကလေးတွင်နှလုံးချို့ယွင်းမှုဖြစ်နိုင်သည်ကိုသိထားနှင့်ပြီးဖြစ်သော်လည်း ယခုလေ့လာမှုကဆီးချိုရောဂါမဟုတ်ဘဲ သွေးထဲသကြားဓာတ်ပမာဏမြင့်မားမှုကြောင့် ကလေး၏နှလုံးကျန်းမာရေးအပေါ်ထိခိုက်ပုံကိုလေ့လာထားသော ပထမဆုံးလေ့လာမှုဖြစ်သည်။
ကိုယ်ဝန်မဆောင်မီ (သို့မဟုတ်) ကိုယ်ဝန်ဆောင်စဉ်အတွင်း ဆီးချိုရောဂါမရှိသည့်အမျိုးသမီးများသည် ကိုယ်ဝန်ဆောင်မှုအစောပိုင်းအခြေအနေတွင် သွေးထဲ၌သကြားဓာတ်ပမာဏ၈ရာခိုင်နှုန်းအထိ မြင့်တက်မှု ရှိကြောင်း သုတေသီများက ပြောသည်။
ယင်းကြောင့် ကိုယ်ဝန်ပထမတစ်လအတွင်း မိခင်၏သွေးထဲရှိသကြားဓာတ်ပမာဏကို တိုင်းတာစစ်ဆေး သင့်ပြီး ကြိုတင်ကာကွယ်သင့်သည်ဟု သုတေသီများက အကြံပြုသည်။
(သူရိန်)