ပက်ကွီတာကို ခေါ်ယူရန် စတာလင်ပေါင် သန်း ၇၀ ဖြင့် မန်စီးတီးအသင်း ကမ်းလှမ်း
ဩဂုတ် ၁၁
မန်စီးတီးအသင်းသည် ဝက်စ်ဟမ်းအသင်း ကွင်းလယ် ပိုင်းတွင် ခြေစွမ်းပြ ကစားနေ သည့် ပက်ကွီတာကို ခေါ်ယူရန် ပြောင်းရွှေ့ကြေး စတာလင်ပေါင် သန်း ၇၀ ဖြင့် ကမ်းလှမ်းခဲ့ ကြောင်း သိရသည်။
ပက်ကွီတာသည် ပြီးခဲ့ သည့် ဘောလုံးရာသီက ပြင်သစ် ကလပ် လိုင်ယွန်အသင်းမှ ဝက်စ်ဟမ်းအသင်းသို့ရောက်ရှိခဲ့ ပြီး အသင်းနှင့်အတူ ပထမဆုံး ဘောလုံးရာသီတွင် ပရီးမီးယား လိဂ်သွင်းဂိုး လေးဂိုး သွင်းယူ၍ ခြေစွမ်းပြသခဲ့သည့်အပြင် ယူရိုပါ ကွန်းဖရန့်လိဂ် ပြိုင်ပွဲတွင်လည်း အသင်းကို ဆုဖလားရရှိအောင် အဓိကနေရာမှ ပါဝင်ခဲ့သော ကြောင့် နည်းပြ ဂွါဒီယိုလာက ကွင်းလယ်ပိုင်း ထပ်မံဖြည့်တင်း ရန် စတာလင်ပေါင် သန်း ၇၀ ဖြင့် ကမ်းလှမ်းခဲ့ခြင်း ဖြစ်သည်။
ယခု အပြောင်းအရွှေ့ကာလ တွင် ဝက်စ်ဟမ်းအသင်းသည် ကွင်းလယ်ကစားသမား ဒီကလန် ရိုက်စ်ကို အာဆင်နယ်အသင်းသို့ စတာလင်ပေါင် ၁၀၅ သန်းဖြင့် ရောင်းချခဲ့သဖြင့် ကွင်းလယ် ကစားသမား ပက်ကွီတာကို ရောင်းချရန် ဆန္ဒမရှိသော် လည်း မန်စီးတီးအသင်းအနေဖြင့် ပြောင်းရွှေ့ကြေး ထပ်မံတိုးမြှင့် ပေးပါက အပြောင်းအရွှေ့မှာ ဖြစ်မြောက်လာဖွယ်ရှိနေသည်။
သူရိန်
